Урысые политическэ партиеу «Единэ Россием» и «Ныб­жьыкIэ Гвардие» шъолъырыкIэу къэралыгъом къы­хэхьажьыгъэхэм афитIупщынэу тхылъхэр егъэхьазырых.

Iофтхьабзэу «Книги — Донбассу» зы­фиIорэм ар къыдыхэлъытагъ, художественнэ ыкIи кIэлэцIыкIухэм апае тхылъхэр, краеведением фэгъэхьыгъэхэр ары анахьэу зэIуагъакIэрэр.
«Единэ Россием» ыкIи «НыбжьыкIэ Гвардием» яштабхэр ары тхылъхэр зыщаугъоихэрэр. Ахэр Мыекъуапэ иура­мэу Пролетарскэм тетых, унэм иномерыр 449-рэ.
— Титхылъхэр шъолъырыкIэхэм за­нэскIэ, псэ къапэкIэжьы, ахэм яавторхэм тхылъеджэхэр кIэу яIэ мэхъух. ШIои­гъоныгъэ зиIэхэр зэкIэ мы Iоф­тхьабзэм къыхэлэжьэнхэ алъэкIыщт, ятхылъхэр штабым къырахьылIэхэмэ тигопэщт, — къыIуагъ хэбзэихъухьэ ныбжьыкIэхэм я Палатэу УФ-м ФедерациемкIэ и Совет щызэхащагъэм, Мыекъуапэ инароднэ депутатхэм я Совет ахэтэу, Адыгеим и «НыбжьыкIэ Гвардие» ипащэу Бэрзэдж Асыет.