Адыгэ Республикэм и Къэралыгъо Совет – Хасэм ия 38-рэ зэхэсыгъо 2024-рэ илъэсым бэдзэогъум и 30-м щыIэщт.
Iофыгъоу зытегущыIэщтхэм мы къыкIэлъыкIохэрэр ахагъэхьагъэх: Адыгэ Республикэм ихэбзэгъэуцугъэхэу «Адыгэ Республикэм икъэралыгъо хабзэ икъулыкъухэм псыхэм япхыгъэ зэфыщытыкIэхэр, чIычIэгъым ибаиныгъэхэм япхыгъэ Iофхэр гъэтэрэзыгъэнхэм алъэныкъокIэ полномочиеу яIэхэр гъэ­унэфыгъэнхэм ехьылIагъ», «КIэлэцIыкIу ибэхэм ыкIи ны-тыхэр зышъхьарымытыжьхэм зычIэсыщтхэ унэхэр ятыгъэнхэм ехьылIагъ» зыфиIохэрэм язаконопроектхэм ятIонэрэу ахэплъэгъэныр; Адыгэ Республикэм изаконхэу «Апэрэ ыкIи ятIонэрэ сабыир къызафэхъукIэ зэтыгъо ахъщэ IэпыIэгъоу аIэкIагъэхьащтым ехьылIагъ», «Адыгэ Республикэм 2024-рэ ыкIи 2025 – 2026-рэ илъэсхэмкIэ иреспубликэ бюджет ехьылIагъ», «ЧIыпIэ зыгъэIорышIэжьыным ехьы­лIагъ», «Тыкъэзыуцухьэрэ дунаим икъэ­ухъумэн епхыгъэ полномочиехэу Адыгэ Республикэм икъэралыгъо хабзэ икъулыкъухэм къафэгъэзагъэхэр гъэцэкIагъэ хъунхэм ехьылIагъ», «Муниципальнэ образованиехэм ягъунапкъэхэм зэхъо­кIыныгъэхэр афэшIыгъэнхэм ехьылIагъ», «НыбжьыкIэ политикэм ылъэныкъокIэ Адыгэ Республикэм икъэралыгъо хабзэ икъулыкъухэм яполномочиехэм яхьы­лIагъ», «Фэтэрыбэу зэхэт унэхэм ащыпсэухэрэм зэдыряеу щыт мылъкур игъом гъэцэкIэжьыгъэнымкIэ Iофыгъо заулэхэм яхьылIагъ» зыфиIорэ законопроектхэм апэрэу ахэплъэгъэныр ыкIи нэмыкI Iофыгъохэр.
Адыгэ Республикэм и Къэралыгъо Совет – Хасэм изэхэсыгъо Адыгэ Рес­публикэм и ЛIышъхьэ и Координационнэ гупчэ пчэдыжьым сыхьатыр 10-м щырагъэжьэщт.
Адыгэ Республикэм и Къэралыгъо Совет – Хасэм и Тхьаматэу Владимир Нарожнэр