ЗяшъумыгъэгъапцI, шъуафэсакъ
![Image description](images_upload?image_name=2024/07/images_upload-198.jpg)
«Россети Кубань» зыфиIорэ компанием ыцIэкIэ цIыфхэр агъапцIэхэзэ бзэджэшIагъэ зезыхьэхэрэм япчъагъэ нахьыбэ хъугъэ.
ЦIыфхэм телефонкIэ афытеох, электроэнергиеу агъэстыгъэр зыфэдизыр къэзыгъэлъэгъорэ псэуалъэр (счетчикыр) афагъэуцущтэу е афызэблахъущтэу араIо, къэралыгъо фэIо-фашIэхэм япортал «унэе кабинетэу» щагъэпсыгъэр къызэрэзэIупхыщт паролым кIэупчIэх. Нэужым ар бзэджэшIагъэ зэрахьэзэ зэрагъэфедэщтыр нафэ.
ШъунаIэ тешъотэгъадзэ, «Россети Кубань» иIофышIэхэр зыкIи ащ фэдэ къэбар кIэупчIэхэрэп. Счетчикым пIалъэу иIэр икIыгъэмэ е кIэу гъэуцугъэн фаемэ ыпкIэ хэмылъэу а фэIо-фашIэр агъэцакIэ. ЕтIани къыхэгъэщыгъэн фаер план гъэнэфагъэм тетэу IофшIэнхэр зэрэзэшIуахыхэрэр ары.
Компанием Iоф щызышIэхэрэм ар къэзыушыхьатырэ тхылъэу пащэр зыкIэтхэжьыгъэр аIыгъ, ащ ацIи, алъэкъуацIи, ятэ ыцIи, иIэнатIи итхагъэх.
ЗыгорэкIэ шъумышIэрэ цIыф къышъуфытеуагъэу, ар мыцыхьэшIэгъоу шъуегуцафэмэ, «Россети Кубань» «илиние плъыр» ителефон шъутеон шъулъэкIыщт. Мары номерыр: 8-800-220-0-220. Ащ ыпкIэ хэлъэп.