Монополием пэ­шIуекIогъэнымкIэ Федеральнэ къулыкъум и ГъэIорышIапIэу АР-м щыIэм рекла­мэ зытет пкъыгъо­хэр зэра­гъэу­цущтхэм исхе­мэ къагъэ­хьазыры­нэу ыкIи яинтернет нэкIубгъохэм къарагъэ­хьа­нэу ­муниципальнэ образованиехэм пшъэрылъ афи­шIыгъ.

Нэужым ар зэрагъэцэ­кIагъэр зеуплъэкIужьым, Теуцожь районым ымы­гъэцэкIагъэу ыгъэунэфыгъ. ШIокI имыIэу ар ыгъэ­цэ­кIэнэу къызщиIорэ тхы­лъыр ГъэIорышIапIэм афи­гъэхьыгъ. Район администрацием хэукъоныгъэр дигъэзыжьыгъ.
ГъэIорышIапIэм мы Iоф­шIэныр лъегъэкIуатэ. Джыри зы муниципальнэ образование ащ фэдэ хэу­къоныгъэ къыщыхагъэ­щыгъ, пшъэрылъыр зэримыгъэцэкIагъэр къызщи­Iорэ тхылъыр фагъэхьы-
нэу агъэхьазыры.
Шъугу къэдгъэкIыжьын, муниципальнэ образованиехэм мыщ фэдэ схемэхэр агъэхьазырынхэ фаеу рекламэм фэгъэхьыгъэ хэбзэгъэуцугъэм итхагъ. Ахэр зыдэщытыщтхэ чIыпIэхэр, зэрэгъэпсыгъэщтхэр зыщыгъэнэфэгъэ тхы­лъэу ар щыт. Ар щымы­Iэмэ, предпринимательхэм рекламэр зэрящыкIагъэм тетэу атын алъэкIырэп.
ЧIыпIэ зыгъэIорышIэ­жьыпIэм фитыныгъэ къаримытыгъэу рекламэр зы­тет конструкциехэр зы­гъэуцухэрэр хэбзэ­гъэуцугъэр зымыукъорэ предпринимательхэм пэ­рыохъу афэхъух.