КъокIыпIэм имузей щыкIощт
ХэушъхьафыкIыгъэ дзэ операцием хэлажьэхэрэм апае Iофтхьабзэу «Музейнэ тхьамаф» зыфиIорэр КъокIыпIэм щыпсэурэ лъэпкъхэм яискусствэкIэ Къэралыгъо музеим и Темыр-Кавказ Къутамэу Мыекъуапэ дэтым зэхещэ. Ар бэдзэогъум и 25-м къыщегъэжьагъэу и 31-м нэс кIощт.
А уахътэм къыкIоцI хэушъхьафыкIыгъэ дзэ операцием хэлажьэхэрэр ыкIи ахэм яунагъохэр музеим икъэгъэлъэгъонхэм, иэкспозициехэм ыкIи нэмыкI Iофтхьабзэу щырекIокIыщтхэм ыпкIэ хэмылъэу яплъынхэ алъэкIыщт.
Музеим зэпымыоу къыщагъэлъэгъорэ экспозициехэм анэмыкIэу, пIэлъэ гъэнэфагъэкIэ къыщызэIуахыщт къэгъэлъэгъонхэми защагъэгъозэн амал яIэщт. Джащ фэдэу кIэлэцIыкIухэм апае культурнэ Iофтхьэбзэ зэфэшъхьафхэр агъэнэфагъэх: фильмхэр къафагъэлъэгъощтых, джэгукIэхэр, пэIудзыгъэ экскурсиехэр, мастер-классхэр афызэхащэ-
щтых.