Шахмат псынкIэхэмкIэ Адыгэ Республикэм и ЛIышъхьэ ишIухьафтын зэрылъ я 4-рэ зэIухыгъэ зэнэкъокъухэр Мые­къуапэ щыкIуагъэх.

Кубокым шахматист 53-рэ фэбэнагъ, ахэр Урысыем ишъолъы­риплIымэ къарыкIыгъэх - Адыгэ Республикэм, Къэрэщэе-Черкес Республикэм, Краснодар ыкIи Ставрополь крайхэм. Уахътэм лъыплъэгъэным такъикъи 10 еубыты, кIогъу пэпчъ нэгъэупIэпIэгъуи 5 хагъахъо. Швейцарскэ системэм тетэу тури 9-у ешIагъэх.
Ставрополь краим къикIыгъэ Заур Текеевым текIоныгъэр къы­дихыгъ. Ар ешIэгъуитфымэ ащытекIуагъ, ешIэгъуиплIыр зэфэдэкIэ ыухыгъэх, очкоуи 7 ригъэкъугъ. ЯтIонэрэ ыкIи ящэнэрэ чIыпIэхэр ахьыгъэх Краснодар краим къи­кIыгъэхэ Осман Пшмаховымрэ Миран Оганьянрэ, ахэми къагъэ­лъэгъуагъэр пчъагъэмкIэ апэрэр зыхьыгъэм фэдагъэх, ау едзыгъо къэгъэлъэгъонхэмкIэ ыуж къинагъэх.