Сергей Мирошниченкэр «Зэкъошныгъэм» итренер шъхьаIэу агъэнэфагъ. Ащ нэIуасэ фэзышIыгъэхэр клубым игенеральнэ пащэу Андрей Ушениныр ары.
Сергей Мирошниченкэр Адыгеим къыщыхъугъ, мыекъопэ «Зэкъошныгъэм» хэтэуи къыхэкIыгъ. Аужырэ илъэси 5-м клубэу «Краснодар» щылэжьагъ.
— Тренер шъхьаIэ хъугъэр ыпэкIэ клубхэу «Спартак-УГП» (Анапэ), «Торпедо» (Волжский), «Газовик» (Оренбург), «Урал» (Екатеринбург), «Краснодар», «Черноморец» (Новороссийск), «Салют» (Белгород), «Динамо» ыкIи «Химки», джащ фэдэу «Луч-Энергия», «Анжи», «Армавир» зыфиIохэрэм ащешIагъ, — къытыгъ клубым ипресс-къулыкъу.
Шъугу къэтэгъэкIыжьы: бэмышIэу Беслан Аджинджал «Зэкъошныгъэм» итренер шъхьэIэ IэнатIэм IукIыжьыгъ. Клубымрэ тренер шъхьаIэмрэ зэрэзэдаштагъэу, зэзэгъыныгъэм кIуачIэ имыIэжьэу хъугъэ.