УФ-м ФедерациехэмкIэ и Совет кIэщакIо фэхъу­гъэу, «Женское движение «Единой России» зыфиIорэ проектым къы­дыхэлъытагъэу хэгъэгум щыпхыращы партием ипроектэу «Бзылъфыгъэм ымак­ъ» зыфиIорэр.

Социальнэ Iофыгъохэм язэшIохын, мы лъэныкъомкIэ IэпыIэгъум фэгъэхьыгъэ хэбзэ­гъэу­цугъэхэм зэхъокIыныгъэхэр афэшIыгъэнхэр, бзылъфыгъэу политикэм зыфэзыгъазэхэрэм къотэгъу афэхъугъэныр, къэралыгъо къулыкъухэм ахэтыр на­хьыбэ шIыгъэныр пшъэрылъ шъхьаIэу ащ иIэхэм ащыщых. 2024-р унагъом и Илъэс зыща­шIыгъэм, демографие ыкIи ­унэгъо политикэм ягъэпсын бзылъфыгъэм мэхьанэу щыри­Iэм игъо дэдэ мэхъу.
Адыгеир пштэмэ, мы проектым ипащ социальнэ полити­кэмкIэ, унагъом иIофхэмкIэ, псауныгъэм икъэухъумэнкIэ ыкIи культурэмкIэ Парламентым и Комитет итхьаматэу Наталья Широковар. Проектым къыдыхэлъытагъэу Къэ­ралыгъо Советым — Хасэм идепутат бзылъфыгъэхэр, хэ­бзэ гъэцэкIэкIо къулыкъухэм, чIыпIэ зыгъэIорышIэжьыпIэ­хэм Iоф ащызышIэхэрэр, АР-м ибзылъфыгъэхэм я Союз хэтхэр, НыбжьыкIэ парламентым, къэбар жъугъэм иамал­хэм ялIыкIохэр зыхэхьэгъэ рабочэ куп зэхащагъ.
Мы движением къэралыгъом лъэшэу зыщеушъомбгъу, ихэ­гъэгу, цIыфэу исхэм шIуагъэ ­къафихьыным ыуж ит бзылъфыгъэ чаныбэ ащ зэрепхы. «Бзылъфыгъэм ымакъэ» хэтхэр социальнэ лъэныкъомкIэ Iофыгъуи 150-рэ фэдизмэ кIэщакIо афэхъугъэх. Ахэм ащыщхэм яшIуагъэкIэ хэбзэгъэуцугъэхэм зэхъокIыныгъэхэр афашIыгъэх.
ГущыIэм пае, Наталья Широковар кIэщакIо фэхъугъэу, хэу­шъхьафыкIыгъэ цIыф купхэм Iэзэгъу уцхэр аIэкIэгъэхьэгъэнхэм, сабыибэ зыпIурэ ны-тыхэм япенсие игъэпсын, очнэ шIыкIэм тетэу еджэрэ зихэ­хъогъухэм ар къаухыфэкIэ янэ
е ятэ кIэлэпIупкIэр къыритыным афэгъэхьыгъэ зэхъокIыныгъэхэр хэбзэгъэуцугъэхэм афэшIыгъэнхэм фэгъэхьыгъэ джэ­псалъэхэр федеральнэ Гупчэм фэкIуагъэх.
Анахьэу мэхьанэ зиIэр еплъыкIэ зэфэшъхьафхэр проектым къыдыхэлъытэгъэнхэр ары.