Гъэмэфэ зыгъэпсэфыгъом кIэлэцIыкIухэм нахь жъугъэу кушъхьэфачъэр агъэфедэ. Ащ къыпкъырыкIыхэзэ, Адыгеим игъогу ин­спекторхэм щагу площадкэхэм ащыджэгурэ ныбжьыкIэ цIыкIухэм зэIукIэгъухэр ады­ряIагъ. Гъогу щынэгъончъэхэр къызэрэхахыщтхэр ыкIи хъугъэ-шIагъэхэм ахэмыфэнхэмкIэ шапхъэхэр икIэрыкIэу агу къагъэкIыжьыгъэх.

Адыгеим и Къэралыгъо авто­инспекцие изэфэхьысыжьхэм къызэрагъэлъагъорэмкIэ, гъэ­мэфэ зыгъэпсэфыгъохэр зыра­гъэжьагъэм къыщыублагъэу гъогу-транспорт фыкъоныгъэхэм нахь зыкъаIэтыгъ. Къыхэгъэщыгъэн фае, зыныбжь имыкъугъэ лъэсрыкIохэм аготэу, гъогу хъугъэ-шIэгъэ зэфэшъхьаф­хэр зыпкъ къикIыхэрэм ащыщых кIэлэцIыкIухэу кушъхьэ­фачъэхэр зезыфэхэрэр. Теуцожь ыкIи Джэджэ районхэм яполицейскэхэм щэрэхъитIу зыкIэт транспортыр щынэгъончъэу зепфэнымкIэ шэпхъэ шъхьаIэу ашIэн фаехэр кIэлэеджакIохэм агу къагъэкIыжьыгъэх.

Джащ фэдэу щагу площадкэхэм адэт кIэлэцIыкIухэм щы­нэгъончъэ гъогур къызэрэха­хыщтыр, чIыпIэу зэриубытэнхэ ылъэкIыщтхэр, ахэр къызэраухьащтхэр инспекторхэм къаIотагъэх.
ЗэIукIэгъур окIофэ гъогу по­лицейскэхэм яупчIэхэм ныбжьыкIэхэм джэуапхэр къараты­жьыгъ, гъогурыкIоным ишап­хъэ­хэмкIэ шIэныгъэ дэгъухэр къагъэлъэгъуагъ.
АР-м и Къэралыгъо
автоинспекцие