Адыгэ къэралыгъо университетым искусствэхэмкIэ иинститут ия 3-рэ курс истуденткэу Марина Бурьяновар зэнэкъокъоу «Фонд содействия инновациям» зыфиIорэм текIоныгъэр къыщыдихыгъ.

Федеральнэ проектэу «Платформа университетского технологического предпринимательства» зыцIэм тегъэпсыхьагъэу ар зэхащэгъагъ. Студенткэм сомэ миллион хъурэ грантыр къыратыжьыщт.
Урысыем гъэсэны­гъэмрэ шIэныгъэмрэкIэ и Министерствэ а зэнэкъо­къум кIэщакIо фэхъугъ. Мы илъэсым Урысыем иапшъэрэ еджапIэхэм ястудент бэдэдэмэ ащ хэлэжьэнхэм пае лъэIу тхылъхэр къатыгъагъэх – нэбгырэ мини 7,7-м ехъу­мэ. Зэнэкъокъум икIэуххэм къызэрагъэлъэ­гъуагъэмкIэ, хэгъэгум ишъолъыр 73-мэ къарыкIыгъэу ащ хэлэжьагъэхэм ащыщэу мини 2-мэ грант IэпыIэгъу къаратыгъ. Ахэм ахэт Марина Бурьяновар.
Маринэ ипроектэу «ЗD модели из бумаги «Животные Кавказского заповедника» зыфиIорэр лъэныкъоу «Творческэ индустриехэр» зыцIэм ­щатекIуагъ. КIэлэцIыкIухэ­ми, зыныбжь икъугъэхэми ежь-ежьырэу аIэкIэ художественнэ IэпэIэсэныгъэ гъэнэфагъэ фыряIэу модельхэр зэхагъэуцонхэр ащ къыделъытэ. Тыкъэзыуцухьэрэ дунаим иIофыгъохэм, Кавказ биосфернэ заповедникым иIофшIэн зэрэгъэпсыгъэм нэIуасэ зэрафишIыхэрэм нэмыкIэу, а проектыр анаIэ тетэу, зы чIыпIэ исхэу, аIэхъуамбэхэм бэрэ Iоф арагъэшIэным телъыта­гъэу щыт.
Институтым икIэлэегъэ­джэ шъхьаIэу Александра Солодухинам пэщэныгъэ дызэрихьэзэ проектыр зэхагъэуцуагъ.

Адыгэ къэралыгъо университетым ипресс-къулыкъу