Медалитф къыдахыгъ
Кушъхьэфэчъэ спортымкIэ Къыблэ федеральнэ шъолъырым изэнэкъокъухэу Ростов щыкIуагъэхэм Адыгеим щыщхэм медалитф къыщыдахыгъ.
Кушъхьэфэчъэ трекэу «Локомотив» зыфиIорэм зыкъыщагъэлъэгъуагъ олимпийскэ резервым испорт еджапIэ зыщызыгъэсэхэрэ Вадим Ларичевымрэ Роман Сидовымрэ. Шъэожъыехэу илъэс 15 — 16 зыныбжьыхэм якуп щынэкъокъогъэ Ларичевыр тIурытIу чъэнымкIэ гитэу 1000-м ятIонэрэ щыхъугъ ыкIи скретч чъэным ящэнэрэр къыщыдихыгъ. Сидовыр нахьыжъыIохэу илъэс 19 — 22-рэ зыныбжьыхэр зыхэхьэрэ купым хэтыгъ, ащ тIурытIу кIонымкIэ ятIонэрэ чIыпIэр къыдихыгъ, кейрен чъэнымкIэ ящэнэрэ хъугъэ. Роман Сидовым бгъэхэлъхьищ къыхьыгъ. Зэнэкъокъухэм медальхэр къащызыхьыгъэхэр тренерэу Юрий Курочкиным егъасэх.