«Зыхьэхэр» анахь лъэш
Кощхьэблэ къоджэ псэупIэм ипащэ и Кубок зэрылъыгъэ зэнэкъокъухэр
къуаджэу Кощхьаблэ щыкIуагъэх.
Муниципалитетым икоманди 8 зэнэкъокъухэм ахэлэжьагъэх: «Еджэркъуай», «Еджэркъуай-2», «ЗэпырыкIыпIэм ыкIыб», «Зыхьэхэр», «Интер», «Нур», «Нур-2» ыкIи «Саусэрыкъу».
ЕшIэгъухэм къызэрагъэлъэгъуагъэу, финалым ихьагъэхэр «ЗэпырыкIыпIэм ыкIыб» зыфиIорэмрэ «Зыхьэхэмрэ». Пчъагъэр 4:1-у командэу «Зыхьэхэр» текIуагъ ыкIи зэнэкъокъухэм яшIухьафтын шъхьаIэ къыдихыгъ. ТекIоныгъэм екIурэ гъогум ар командэхэу «Еджэркъуаемрэ» «Нурэмрэ» ащытекIогъагъ.