Мыекъуапэ идзэ ­комиссариат иIоф­шIэн гъэлъэшыгъэнымкIэ иаппарат пэшIорыгъэшъ ухьазырынхэм япхыгъэ зичэзыу егъэджэнхэр ригъэкIокIыгъэх.

Мыр зыфэгъэхьыгъа­гъэр УФ-и и УIэшыгъэ КIуачIэхэм зыныбжьыкIэ къызтефэхэрэр ыкIи мобилизацие кIуачIэхэм аха­гъэхьащтхэм игъом макъэ арагъэIуныр, ар зэрэзэхащэщт шIыкIэр ары.
Iофтхьабзэм къыдыхэлъытагъэу, ащ хэла­жьэ­хэрэр макъэ зыгъэIурэ чIыпIэхэм яIофшIэнкIэ пшъэрылъэу ыкIи мурадэу яIэхэм атегущыIагъэх.
— Пшъэрылъ шъхьаIэр — игъом ыкIи Iэрылъхьэу къулыкъум ащэщт ныбжьыкIэхэм повесткэ­хэр ятыгъэныр, макъэ зэ­рагъэIугъэхэм япчъагъэ лъыплъэгъэныр, зэфэхьысыжь шIыгъэныр, — къы­Iуагъ мэкъэгъэIу участкэм ипащэу Юрий Константиновым.
Мыекъуапэ идзэ комиссариат зэрэщыхагъэунэфыкIыгъэмкIэ, мыщ фэдэ пэшIорыгъэшъ егъэджэн Iофтхьабзэхэр илъэсым тIо зэхащэх. Мобилиза­цием фежьэхэмэ, ар тэ­рэзэу зэхэщэгъэным сыдигъуи фэхьазырынхэм, зытефэхэрэм игъом макъэ арагъэIуным ар фэIорышIэ.
Iэшъынэ Сусан.