Лэбапэ чъэнымкIэ зэнэ­къокъоу щыкIуагъэхэм зэряджагъэхэр «Суворов трейл». Псыхъураеу Копытце зыцIэм дэжь спорт Iофтхьабзэр зыщыкIуа­гъэр.

Зэнэкъокъумэ ахэлажьэхэрэр чIыгу шъхьашъом ыкIи зэпырыкIыпIэхэм ащычъэнхэ фэягъ. Спортыр шIу зылъэгъухэрэм къащегъэжьагъэу IэпэIэсэныгъэ зыхэлъхэм анэсыжьэу гъогууанэхэу къакIунэу щытыгъэхэр мыщ фэдагъэх: метрэ 1924-рэ, километри 5, километри 10 ыкIи кIэлэцIыкIухэм апае гъогу кIакор.
Чъэным фэщэгъэ нэбгырэ 588-рэ зэнэкъокъухэм ахэлэжьагъ, ахэр Урысыем ишъолъыр зэфэшъхьаф­хэм къарыкIыгъэх. Ахэм ащыщэу нэбгырипшIыр Адыгэ Республикэм имуниципалитетхэм ялIыкIох. ТекIоныгъэ къыдэзыхыгъэхэм ясатырэ хэхьан зылъэкIыгъэр Мыекъуапэ щыщ Иван Федоровыр ары. Илъэс 47-рэ зыныбжь спортсменыр километри 5 хъурэ гъогууанэр къы­чъызэ, нэгъэупIэпIэгъу заулэкIэ ыуж къинагъ илъэс 26-рэ зыныбжь Александр Дармодехиным. Ар Краснодар щыщ, такъикъ 20-рэ нэгъэупIэпIэгъу 33-кIэ а гъогууанэр къычъыгъ. А къэлэ дэдэм къикIыгъэ Игорь Приказчиковым ящэнэрэ чIыпIэр ыубытыгъ.
ТекIоныгъэ къыдэзыхыгъэхэр зэкIэ шIэжь медальхэмкIэ къыхагъэщыгъэх, спортсмен анахь дэ­гъухэр, хъулъфыгъэхэри бзылъфыгъэхэри шъхьаф-шъхьафхэу, лъэны­къуиплIымкIэ къыхахыгъэх, шIухьафтынхэр аратыгъэх.