Джа цIэр зиIэ пэшIорыгъэшъ Iофтхьабзэ Урысыем хэ­гъэгу кIоцI IофхэмкIэ и Министерствэ гъогурыкIоныр щы­нэгъончъэнымкIэ и ГъэIорышIэпIэ шъхьаIэу АР-м щы­Iэм иунашъокIэ бэдзэогъум и 18 — 23-м тишъолъыр щыкIощт.

КIэлэцIыкIу гъогу-транспорт фыкъоныгъэхэр дэгъэзыжьыгъэнхэм, лъэсрыкIохэм ыкIи водительхэм шапхъэхэр амыукъохэу зекIонхэм, зыныбжь имыкъугъэхэм ящынэгъончъагъэ къэухъумэгъэным ахэр фэIорышIэщтых.
2024-рэ илъэсым къыщегъэжьагъэу бэдзэогъум и 15-м нэс Адыгэ Респуб­ликэм гъогу хъугъэ-шIэгъэ 203-рэ щагъэунэфыгъ. Ахэм нэбгырэ 43-рэ ахэ­кIодагъ, 221-мэ шъобжхэр атещагъэх. Анахь гумэкIыгъо къэзытыхэрэ лъэныкъохэм ащыщых лъэсрыкIохэр зыхэфэ­хэрэ хъугъэ-шIагъэхэр.
Пчъагъэу къатыгъэхэм ащыщэу 34-р лъэсрыкIохэр зыхэфэгъэ хъугъэ-шIагъэх, ахэм нэбгыри 5 ахэкIодагъ, 30-мэ шъобж­хэр атещагъэх.
Iофтхьабзэр окIофэ къулыкъум иамал­хэр анахьэу щынагъо къэзытырэ чIыпIэхэм атырагощэщтых. ЛъэсрыкIохэр зыхэфэрэ хъугъэ-шIагъэхэм лъапсэ афэхъурэр къыхагъэщыщт. Сырынэр агъэфедэщт, «бэщ къолэнымкIэ» зекIоныр агъэIорышIэщт, полицейскэ автомобильхэм къэнэфырэ пкъыгъор ахэ­гъэнагъэу лъэсрыкIохэм адэгущыIэхэзэ зекIощтых.
ЛIыунэе Тимур.
ОБДПС-м иротэу N 1-м икомандир, полицием имайор.