Росгвардием и ГъэIоры­шIа­пIэу Адыгэ Республи­кэм щыIэм лицензиехэмкIэ и Гупчэ иинспектор­хэм цIыфхэм закъыфа­гъазэ хэушъхьафыкIыгъэ дзэ операцием хэлажьэхэ­рэм апае Iашэу яIэр къэзыты зышIоигъохэм.

Федеральнэ законэу N 150-р зытетэу «Iашэм ехьылIагъ» зыфиIоу 1996-рэ илъэсым тыгъэ­гъазэм и 13-м къыдэкIыгъэм ия 20-рэ статья къызэриIорэмкIэ, УФ-м игражданхэм фитыныгъэ яI хэбзэ унашъом тетэу яIэ хъу­гъэ Iашэхэр къэралыгъо дзэ ор­ганизациехэм аратынхэу (аращэн­хэу), нэмыкIэу къэпIон хъумэ, хэушъхьафыкIыгъэ дзэ опера­цием хэлажьэхэрэм апае Росгвардием ыкIи зыкъэухъумэжьынымкIэ Ми­нистерствэм аIэкIагъэхьанхэу.
Росгвардием испециалистхэм къызэрэхагъэщырэмкIэ, Iашэм игъэфедэн пшъэрылъ шъхьаIэу къыдилъытэрэр цIыф зэрымыс быбырэ аппаратхэм апэшIуекIогъэнхэр ары. АщкIэ дэгъу дэдэу къекIущтхэр калибрэ 12-рэ зиIэ Iашэхэр ары. Мы лъэхъаным щэ-гынхэр къыдэзыгъэкIыхэрэм калибрэ 12-м нахь зыфытыра­гъэпсыхьагъэу щыт.
«ЗиIашэрэ ащ игъусэ патронхэмрэ зыты зышIоигъохэм зэзэгъыныгъэ адашIы. А лъэныкъомкIэ зи къиныгъо щыIэп. Министерствэм идзэкъулыкъушIэхэм ыкIи лъэпкъ гвардием идзэхэу хэушъхьафыкIыгъэ операцием хэлажьэхэрэм ащ тетэу зишIуагъэ языгъэкIы зышIоигъохэм тэри тадеIэщт», — къыIуагъ Росгвардием и ГъэIорышIапIэу Адыгэ Республикэм щыIэм лицензие IофшIэнымкIэ и Гупчэ ипащэ игуадзэу, полицием иподполковникэу Андрей Сорокиным.
Ащ пае лицензиехэм афэгъэзэгъэ Гупчэу къалэу Мыекъуапэ иурамэу Индустриальнэм тетым, унэу N 25-м зыфэжъугъэзэн шъулъэкIыщт.