Джар яIэубытыпIэу азербайджанхэу Адыгэ Республикэм щыпсэухэрэм ацIэ­кIэ хэушъхьафыкIыгъэ дзэ операцием хэлэжьэрэ тидзэ­кIолIхэм шIушIэ IэпыIэгъу тыгъуасэ афатIупщыгъ.

— Тэ, азербайджанхэу республикэм щыпсэухэрэм, Главнокомандующэу Владимир Путиным иполитикэ детэгъаштэ. Джащ фэдэу Адыгеим и ЛIышъхьэу КъумпIыл Мурат лъэшэу тыфэраз. Ащ зэрихьэрэ политикэм ишIуагъэкIэ лъэпкъ зэфэшъхьафыбэу республикэм исхэр зы унэгъошхоу зэдэпсэунхэ алъэкIы, хэти ифитыныгъэ укъуагъэ хъурэп. Ащ фэдэ зэдэпсэукIэ амалым къы­хэкIы патриотическэ гу­шъхьабаиныгъэр ыкIи я 227-рэ Мыекъопэ бригадэм хэт тидзэкIолIхэм ящыкIагъэу къаIогъэ IэпыIэгъур афэтыугъоигъ, — хигъэу­нэфыкIыгъ унэе предпринимателэу Рамиз Аб­дул­каримовым.
Ащ къызэриIуагъэмкIэ, азербайджан общинэм инахьыжъхэм ащыщэу, лъытэныгъэ зыфашIэу, зэупчIыжьхэу Бахруз Абасовым игукъэкIыкIэ мы шIушIэ IэпыIэгъур ­аугъоигъ. Ащ лъэкI зиIэ унэе предпринимательхэу Габиль Ризаевыр, Гаджи Али Ба­баевыр, Санан Керимовыр, Шакир Гасановыр ыкIи Рамиз Абдулкаримовыр хэлэжьагъэх.
— Фронтым тыдэIэпыIэ — зэкIэ ТекIоныгъэм пай! Узыщыгугъын уакIыб дэмытэу текIоныгъэр къы­дэпхышъущтэп, арышъ, ти­дзэкIолIхэм тызэракъотыр зэхашIэным пае шIушIэ IэпыIэгъур афэдгъэхьазырыгъ. Мыр апэрэп зэрэтыугъоирэр, нэмыкI Iоф­шIапIэхэм зыкъытфагъа­зэмэ ящыкIагъэу къаIорэр ахатлъхьэщтыгъэ, джы зэ­хэубытагъэу азербай­джан общинэм ыцIэкIэ тыугъоигъэ. Мыщ тырыгу­шхоу макъэ дгъэIоу арэп, нэмыкI общинэхэми ар ягукъэкI хъуным фэшI,
— къыхигъэщыгъ Рамиз Абдулкаримовым.
Гъогогъу 32-рэ хъурэ (пкъыгъо 88-рэ) шIушIэ IэпыIэгъум сомэ мин
600-м ехъу пэIуагъэхьагъ. Ащ щыщэу гъогогъу 17-р медикаментых, къэмланэу зыдэлъхэр цIыкIух нахь мышIэми, ахэр лъапIэх.
— ЯмыщыкIагъэхэр афэтымыщэнхэм пае нахь агъэфедэщтэу зыщыкIэ­хэрэр къядгъэIуагъ. На­хьыбэу зыфэягъэхэр Iэзэгъу уцхэр, лъыр къэзыгъэу­цурэ препаратхэр, нэмыкI медицинэ пкъыгъохэр ары. Джащ фэдэу зызэрэу­ухъу­мэжьыщт пкъыгъохэр афы­хэтлъхьагъэх: броненыба­лъэр, каскэр, мэкъэшхор зыгъэцIыкIурэ тхьакIумэIулъхьэхэр. Псэу зашъо­хэрэр сыдигъуи лые хъу-
рэп ыкIи нэмыкI гъомылапхъэхэри хэтых, — къы­Iуагъ Рамиз.
ШIушIэ IэпыIэгъур зэ­рылъ автомобилэу гъогу техьагъэр станицэу Джа­джэм икIыгъ. Ащ гуфа-
кIоу Кусэ Байзэт водителэу ис, мы гъогу кIыхьэм ар фэнэIуас. IэпыIэгъур зытIупщыгъэхэм джыри та­пэкIэ а Iофтхьабзэр зэ­рэлъагъэкIотэщтыр къыхагъэщыгъ.
Iэшъынэ Сусан.