Атлетикэ псынкIэм пылъ спортсменхэм Адыгэ Республикэм къэбар гушIуагъо къы­фахьыгъ.

Илъэс 20-м нэс зыныбжьыхэм азыфагукIэ Урысыем изэнэкъокъу­хэу Краснодар щыкIуагъэхэм ме­дальхэр къащыдахыгъэх Александр Федченкэмрэ Дарья Азаровамрэ. Федченкэм метрэ 5000 зикIыхьэгъэ гъогум дэгъоу зыкъы­щигъэлъэгъуагъ, такъикъ 14-рэ нэгъэупIэпIэгъу 34-кIэ ар къы­кIугъ ыкIи ятIонэрэ чIыпIэр къыдихыгъ. Ащ ыпэ ишъыгъэр Чувашскэ Рес­публикэм илIыкIоу Роман Минеевыр ары, нэгъэупIэпIэгъуи 3-кIэ нахь псынкIэу ар къэчъагъ. Азаровар метрэ 3000 зикIыхьэгъэ гъогум такъикъи 10-рэ нэгъэупIэпIэгъу 49-рэ тыригъэкIодагъэр ыкIи ащ апэрэ чIыпIэр ыхьыгъ.
Зэнэкъокъухэр стадионэу «Динамо» зыфиIорэм щыкIуагъэх. Мэфищым бгъэхэлъхьэ 40 агощыгъ.