ВолейболымкIэ Мыекъуапэ икомандэу ныбжьыкIэхэр зыха­хьэхэрэр «Хы ШIуцIэм и Кубок» къыдэхыгъэнымкIэ зэнэкъокъухэу къалэу Геленджик щыкIуагъэхэм ахэ­лэжьагъэх ыкIи ящэнэрэ чIыпIэр къыдахыгъ.

Командэм хэтыгъэхэр Джэнчэтэ СултIан ыцIэ зыхьырэ Мыекъопэ спортивнэ еджапIэу N 1-м зыщызыгъасэхэу 2008 — 2009-рэ илъэсхэм къэхъугъэхэр ары.
ЗэкIэмкIи зэнэкъокъухэм ахэлэжьагъэх командэхэу Санкт-Петербург, Тверь, Липецкэ, Новочеркасскэ, Таганрог, Кузнецкэ, Мыекъуапэ ыкIи Оренбург къарыкIыгъэ командищыр. Мыекъопэ командэм ыпэ ишъыгъэхэр оренбуржцэхэр ары — «Оренбург-1-р» ыкIи «Оренбург-3-р».