кушъхьэфачъэмкIэ зэнэкъокъоу «Урысыем итур» зы­фиIоу Удмуртием мэфэ пчъагъэрэ щыкIуагъэр зэ­фа­шIыжьыгъ.

Ар едзыгъуихэу гощыгъагъэ, зэкIэмкIи кило­метрэ 818-рэ зикIыхьэгъэ гъогууанэр зэпачыгъ. Аужырэ зэнэкъокъу мафэу Воткинскэ щыкIуа­гъэм текIоныгъэм мыщ фэдэ лъэныкъохэмкIэ щыфэбэнагъэх: кушъхьэ­фэчъэ чъэнымкIэ анахь чаныр, ныбжьыкIэхэмкIэ анахь чаныр, команднэ ыкIи генеральнэ классификациехэр. Генеральнэ классификациехэр ары анаIэ нахь зытырагъэтыгъэр, ащ елъытыгъэу чъэ­нымкIэ анахь чанэу зэнэ­къокъум къыхэщыгъэр агъэ­нэфагъ. Сыд фэдизэу гуIагъэхэми, пэрытныгъэр къэзыушыхьатырэ майкэ гъожьыр Адыгэ Респуб­ликэм испортсменэу, спор­тымкIэ мастерэу СтIашъу Мамыр къыфэ­нагъ, кушъхьэфэчъэ чъэнымкIи анахь дэгъоуи ар къыхагъэщыгъ.
СтIашъу Мамыр мы зэ­нэкъокъум Адыгэ Рес­публикэмрэ кушъхьэфэчъэ клубэу «Минск» зыфи­Iорэмрэ къыщигъэлъэгъуа­гъэх. ЯтIонэрэ чIыпIэр Тюменскэ хэкум къикIыгъэ спортсменэу Максим Мищанковым ыхьыгъ, Санкт-Петербург щыщ Мат­вей Болдыревыр ящэ­нэрэ хъугъэ.
Мэфихым къыкIоцI зэ­нэкъокъум хэлэжьагъэхэр апэрэхэм нэгъэупIэпIэ­гъуи 3-кIэ ауж къинагъэх. Команднэ зэнэкъокъумкIэ апэрэ чIыпIитIур Санкт-­Петербург икомандэмэ зэфагощыгъ, кушъхьэфэ­чъэ клубэу «Минск» зыцIэм ящэнэрэ чIыпIэр къыдихыгъ.