Культурэм, искусствэм ыкIи творческэ индустриехэм алъэныкъокIэ проектхэм адегъэштэгъэным фытегъэпсыхьэгъэ Президент фондым ­2025-рэ илъэсымкIэ иапэрэ грант зэнэкъокъу хэлажьэ зышIоигъохэм 2024-рэ илъэсым бэдзэогъум и 25-м къыщыублагъэу лъэIу тхылъхэр атынхэ алъэкIыщт.

2024-рэ илъэсым Iоныгъом и 10-м нэс лъэIу тхылъхэр аIахыщтых.
Мы зэнэкъокъум хэлэжьэнхэ ­алъэкIыщт мысатыушI организациехэр (ащ къыхиубытэхэрэп къэралыгъо учреждениехэр, къэралыгъо корпорациехэр, компаниехэр, политическэ партиехэр); сатыушI организациехэр, унэе предпринимательхэр, муниципальнэ учреждениехэр ыкIи предприятиехэр (мыщ къыхиубытэхэрэп муниципальнэ къэралыгъо учреждениехэр).
Проектхэу зэнэкъокъум къырахьылIэщтхэр мы къыкIэлъыкIощт лъэныкъохэм ащыщ горэм диштэнхэ фае:
— «Лъэпкъым игъэпсакIохэр»
Урысыем иизобретательхэр, ишIэныгъэлэжьхэр, ипросветительхэр. Хэгъэгум итворческэ гъэхъэгъэ анахь дэгъухэр. НахьышIум ылъэныкъокIэ дунаир зэзыхъо­кIырэ цIыфхэр.
— «Культурнэ кодыр»
Лъэпкъым ишэн-хэбзэ дахэхэр культурэмкIэ ыкIи творческэ индустриемкIэ къэгъэлъэгъогъэнхэм япхыгъэ проектхэр.
— «Пэрыт ныбжьыкIэхэр»
Культурэмрэ искусствэмрэ алъэныкъокIэ, джащ фэдэу творчествэмкIэ сэнаущыгъэ зыхэлъ пэрыт ныбжьыкIэхэр къыхэгъэщыгъэнхэр ыкIи ахэм IэпыIэгъу ятыгъэныр.
— «КIуачIэм икъэкIуапI»
Лъэныкъо гупсэр. Шъолъыр тарихъыр. ЗыкIыныгъэм ичIыпI.
«Урыс гущыIэ кIочIэшхор»
Урыс литературэмрэ драматургиемрэ зылъэпсэ литературнэ, театральнэ ыкIи нэмыкI проектхэр.
— «Сэ сырэгушхо»
Хэгъэгум итарихъ, икультурэ, иджырэ щыIакIэ япхыгъэ нэкIубгъо шъхьаIэхэм якъэгъэлъэгъонкIэ проектхэр.
— «Хэгъэгум итарихъ: къиныгъохэр щыгъэзыегъэнхэм ыкIи текIоныгъэхэр къыдэхыгъэнхэм ячэзыухэр»
Обществэмрэ хэгъэгумрэ яцIыф цIэрыIохэм ыкIи хъугъэ-шIагъэхэм афэгъэхьыгъэ проектхэр.
— «ЦIыф лъэпкъыбэ зыхэхьэрэ народыр»
Урысыем илъэпкъ ыкIи икультурэ зэфэшъхьафхэр ары кIуачIэ ащ къезытырэр, къахэзыгъэщырэр (лъэпкъи 193-рэ, бзэ ыкIи диалект 270-рэ).
— «Тызэгъус»
Донбасс ыкIи шъхьафит ашIыжьыгъэ чIыпIэхэр культурнэ-гъэсэныгъэ, просветитель, цивилизованнэ шъолъыр зыкIым хэгъэгъозэжьыгъэнхэм афэгъэ­хьыгъэ проектхэр.
Фондым исайтэу httрs:// фондкультурныхинициатив.рф/ нахь игъэкIотыгъэу къэбарыр ижъугъотэщт.