Адыгеим и Къэралыгъо автоинспекторхэм зэрахьэгъэ уплъэкIун Iофтхьабзэм ишIуагъэкIэ гъогурыкIоным ишапхъэхэр гъогогъу 37-рэ аукъуагъэу къыхагъэщыгъ.

Транспорт амалхэр уплъэкIугъэнхэмкIэ пэшIорыгъэшъ Iофтхьабзэу рагъэ­кIокIыгъэр анахьэу зыфэгъэхьыгъагъэр ешъуагъэхэу машинэр зезыфэхэрэр къыхэгъэщыгъэнхэр ары. АщкIэ наряди 9-у агъэпсыгъэм зэрафэлъэкIэу Iоф ашIагъ. Iофтхьабзэр зэхащэн гухэлъ зэряIэр цIыфхэм арагъэшIэным фэшI къэбар жъугъэм иамалхэм, социальнэ хъытыухэм къарагъэхьагъ.
Гъогу патруль къулыкъум иIофышIэхэм Iофтхьабзэр рагъэкIокIыфэ гъогурыкIоным ишапхъэхэр пстэумкIи гъогогъу 37-рэ аукъуагъэу къыхагъэщыгъ.
Ахэр: транспортыр зэратхыгъэм ипIалъэ икIыгъэу – 1, кIэлэцIыкIухэр зэрэзэращэрэр мытэрэзэу – 1, апчхэр агъэушIуцIыгъэу – 15, тхылъ имыIэу рулым Iусэу – 1, щынэгъончъэ бгырыпхыр амыгъэфедагъэу – 11, нэмыкI укъоныгъэ зэфэшъхьафэу – 9.
Адыгеим и Къэралыгъо автоинспекцие водительхэм агу къегъэкIыжьы: ешъуагъэу машинэр зезыфэрэм ифитыныгъэ тхылъ илъэсрэ ныкъорэ пIалъэ­кIэ Iахыщт ыкIи тазырэу сомэ мин 30 рагъэтыщт. ЯтIуанэрэу ешъуагъэу къызаубытыкIэ уголовнэ пшъэдэкIыжь ыхьыщт.