Урысыем и Социальнэ фонд иIофышIэхэу лъытэныгъэ зыфэтшIыхэрэр!

Урысыем и Социальнэ фонд зызэхащэгъэ Мафэм фэшI тышъуфэгушIо!
Хэгъэгум ищыIэныгъэкIэ Социальнэ фондым мэхьэнэ ин дэд иI: нэбгырэ пэпчъ фэгумэкIызэ мэхьанэшхо зиIэ социальнэ пшъэрылъыр ащ егъэцакIэ, къэралыгъом ылъэныкъокIэ къикIырэ IэпыIэгъум епхыгъэ Iофтхьэбзэ зэфэ­шъхьафхэр зэшIуехых, джырэ технологиехэм атетэу а IэпыIэгъур цIыфхэм нахь тэрэзэу ыкIи нахь псынкIэу аIэкIэгъэхьэгъэным ынаIэ тет. Непэ Фондым иIофышIэхэм цIыфхэм пенсиехэр афагъэуцух, социальнэ тын зэфэшъхьафхэр аIэкIагъахьэх, сабыйхэр зэрыс унагъохэм IэпыIэгъу ятыгъэнымкIэ Iофтхьэбзэ зэфэшъхьа­ф­хэр пхыращых ыкIи нэмыкIыбэ агъэцакIэ.
Фондым щылажьэхэрэм зэдегъэштэныгъэ зэрахэлъым ишIуагъэкIэ цIыфхэр социальнэу ухъумэгъэнхэм епхыгъэ Iофхэр нахь шIуагъэ къатэу агъэцэкIэн алъэкIы. Урысыем и Социальнэ фонд и Къутамэу Адыгэ Республикэм щыIэм ыпашъхьэ ит пшъэрылъхэр гъэхъагъэ хэлъэу зэшIуехых, цIыфхэм афагъэнэфэгъэ ахъщэр игъом аIэкIагъахьэ, ящыIакIэ нахьышIу хъунымкIэ амалхэр арагъэгъо­тых, республикэм хэхъоныгъэ ышIынымкIи япшъэрылъхэр агъэцакIэх.
Тицыхьэ телъ Фондым щылажьэхэрэм яIэпэIэсэныгъэрэ яшIэныгъэхэмрэ яшIуагъэкIэ Адыгэ Республикэм социальнэ лъэныкъомкIэ изытет нахьышIу зэрэхъущтым, цIыфхэм ящыIакIи нахь зыкъызэриIэтыщтым.
Урысыем и Социальнэ фонд и Къутамэу Адыгэ Республикэм щыIэм Iоф щызышIэрэ пстэуми апашъхьэ ит пшъэрылъхэр икъоу къызэрагурыIохэрэм, пшъэдэкIыжь хэлъэу, яIоф фэшъыпкъэхэу къатефэрэр зэрагъэцакIэрэм апае тызэрафэразэр къэтэIо.
Ныбджэгъу лъапIэхэр, псауныгъэ пытэ, щыIэкIэшIу шъуиIэнэу, Адыгеимрэ Урысыемрэ яфедэ зыхэлъ Iофэу жъугъэцакIэрэм гъэхъагъэхэр щышъушIынхэу шъуфэтэIо!

Адыгэ Республикэм и ЛIышъхьэу, Урысые политическэ партиеу «Единэ Россием» и Адыгэ шъолъыр къутамэ и Секретарэу КъумпIыл Мурат
Адыгэ Республикэм и Къэралыгъо Совет - Хасэм и Тхьаматэу
Владимир Нарожнэр