Росгвардием Адыгэ РеспубликэмкIэ и ГъэIорышIапIэ ипащэ ипшъэ­рылъхэр зыгъэцэкIэрэ, полицием ипол­ковникэу Игорь Нечаевым тхьамэтагъор зыщызэрихьэгъэ оперативнэ зэIукIэм 2024-рэ илъэсым иапэрэ кIэ­лъэныкъо мыведомствэ ухъумэнымкIэ, лицензиехэр, Iи­зын тхылъхэр къятыгъэнхэмкIэ къулыкъухэм Iофэу ашIагъэр щызэ­фахьысыжьыгъ.

Iофтхьабзэм хэлэжьагъэх чIыпIэ къулыкъум ипащэ игуа­дзэ, отделе­ниехэмрэ къулы­къухэм-
рэ япащэхэр, структурнэ подразделениехэм якоман­дирхэр.
«Росгвардием мыведомствэ ухъумэнымкIэ икъулыкъу псэо­лъэ 1450-рэ, цIыфхэм япсэупIэ, ямылъку 2400-м ехъу, автотранспорти 100-м на­хьыбэ къеухъу­мэ. Блэ­кIыгъэ илъэсныкъом гу­мэкIыгъо зэрэщыIэмкIэ макъэ къазэрэрагъэIугъэм тетэу мы къулыкъум икъэ­рэгъулхэр гъогогъу 900-м ехъурэ къагъэгъунэрэ псэуалъэхэм, фэтэрхэм, цIыфхэм ямылъку зыща­Iыгъ чIыпIэхэм ащыIагъэх, хэбзэу­къоныгъэ 32-мэ ягъогупэ па­бзыкIыгъ. Хэбзэукъоныгъэ зы­шIыгъэ нэбгыри 100-м ехъу хэ­гъэгу кIоцI IофхэмкIэ къулыкъухэм яIофышIэхэм араты­гъэх», — къыIуагъ къулыкъум ипащэу, полицием иподполковникэу Андрей Власовым.
«Лицензиехэр, Iизын тхылъхэр язытырэ къулыкъум мэзи 6-м къыкIоцI цIыфхэм Iашэхэр зэраIыгъырэ шIыкIэмкIэ уплъэ­кIун 1700-м ехъу зэхи­щагъ. Iашэ зиIэ нэбгырэ 300-м ехъумэ админист­ративнэ пшъэдэкIыжь ара­гъэхьыгъ, хэбзэукъоныгъэ зэфэшъхьафхэр зэрашIыгъэхэм пае Iэшэ 215-рэ цIыфхэм къаIахыгъ, нэбгыри 152-мэ ежь-ежьырэу яIашэ къара­хьылIэжьыгъ», — къы­Iуагъ лицензиехэр, Iизын тхылъхэр язытырэ гуп­чэм ипащэ ипшъэ­рылъ­хэр зыгъэцакIэу, полицием иподполковникэу Андрей Сорокиным.
ЗэIукIэм икIэухым чIыпIэ къулыкъум ипащэу, полицием иполковникэу Игорь Нечаевым под­разделениехэм япащэхэм та­пэкIэ агъэцэкIэн фэе Iофхэр къафигъэнэфагъэх, якъулыкъу пшъэрылъ дэгъоу зэрагъэцакIэрэм фэшI «тхьашъуегъэпсэу» къариIуагъ.
Сурэтыр: Росгвардием АР-мкIэ и ГъэIоры­шIапI.