Тэхъутэмыкъое районым иполицие иIофышIэхэм лъы­хъон Iофтхьабзэу зэрахьагъэхэм яшIуагъэкIэ ыпэкIэ зи­Iоф хьыкумым ыIогъэгъэ, илъэс 22-рэ зыныбжь хъулъфыгъэр къаубытыгъ.

Нафэ къызэрэхъугъэмкIэ, муниципальнэ районым иурамхэм ащыщ го­рэм ибанк картэу ащ къыщигъотыгъэр къыз­фигъэфеди, зы къуаджэ къыдыдэс, илъэс 37-рэ зыныбжь бзылъфыгъэм икартэ сомэ мин 28-рэ фэдиз рихыгъ. НэмыкI бзэджэшIагъэу мы районым щызэрахьагъэхэм кIалэр ахэщагъэмэ джыдэдэм зэрагъашIэ, уго­ловнэ Iоф ащ къыфызэ­Iуахыгъ.
ПсэупIэу Яблоновскэм дэс, илъэс 25-рэ зыныбжь бзылъфыгъэу ибанк картэ ахъщэ изыхыгъэкIэ зэ­гуцафэхэрэм ыуж следственнэ-оперативнэ купым хэтхэм афы. Полицейскэхэм зэрагъэунэфы­гъэмкIэ, ащ сомэ мини 100 илъэс 67-рэ зыныбжь бзылъфыгъэм икредиткэхэм мэзитIум къыкIоцI арихыгъ.
Илъэс 22-рэ зыныбжь кIалэм Урысыем и МВД АдыгэкъалэкIэ иотдел тхьаусыхэ тхылъ къыри­хьылIагъ. Тэхъутэмыкъое районым щыщ хъулъфыгъэм сомэ мини 9 ионлайн-счет зэрэрихыгъэр ащ итхагъ.
Адыгэ Республикэм хэгъэгу кIоцI IофхэмкIэ и Министерствэ джыри зэ шъугу къегъэкIыжьы банк картэ къызыжъугъотыкIэ шъумыгъэфедэнэу, полицием е нахь къышъупэблэгъэ финанс учреждением ащкIэ макъэ яжъугъэIунэу. Шъуибанк картэ зычIэ­шъунэкIэ, апэ зызфэжъугъэзэн фаер банкыр ары.