Къуаджэу Кощхьаблэ щыщ хъулъфыгъэу илъэс 73-рэ зыныбжьым бэдзэогъу мазэм Урысыем и МВД Кощ­хьэ­блэ районымкIэ икъутамэ зыкъыфигъэзагъ, иунэ сомэ мин 12 зэрэратыгъукIыгъэр ариIуагъ.

Мы бзэджэшIагъэр зезыхьагъэкIэ зэгуцэфэхэрэ хъулъфыгъэу мы район шъыпкъэм исэу илъэс 63-рэ зыныбжьыр къау­бытыгъ. Полицием иIофы­шIэхэм ар нэмыкI бзэджэшIагъэхэм ахэщагъэмэ зэрагъашIэ.
Мыекъопэ районым ис, илъэс 41-рэ зыныбжь хъулъфыгъэм пхъэм зэрэ­дэлэжьэхэрэ станокыр а зы къуаджэм къыдыдэс, илъэс 58-рэ зыныбжь хъулъфыгъэм къышIуитыгъугъ. Пкъыгъоу къыты­гъу­гъэр ащ къыIахыжьыгъ. Полицием иIофы­шIэхэр ащ уголовнэ Iоф къыфызэ­Iухыгъэным ыуж итых.
Красногвардейскэ районым ис, илъэс 32-рэ зы­ныбжь хъулъфыгъэм полицием зыкъыфигъэ­загъ, ищагу насоснэ станцие зэрэдатыгъукIыгъэр ариIуагъ. Ащ чIэнагъэу ышIыгъэр зыфэдизыр къа­лъытэ.
Джащ фэдэу Тэхъутэмы­къое районми Iэмэ-псымэ, хъызмэтым щагъэфедэрэ оборудование лъапIэхэр щатыгъугъэх. БзэджэшIагъэхэр зезыхьагъэкIэ зэгуцэфэхэрэ, илъэс 42-рэ зыныбжь, къалэу Краснодар щыщ, зэрэтыгъуагъэм фэшI ыпэкIэ хьыкумым зиIоф ыIогъэгъэ хъулъфыгъэр къаубытыгъ.
Бэдзэогъу мазэм рес­пуб­ликэм щыпсэухэрэм яунэхэм е яфэтэрхэм пкъы­гъо горэхэр зэрара­хыгъэмкIэ гъогогъуи 7 полицием зыкъыфагъэ­загъ.
Адыгеим иполицие ­шъу­гу къегъэкIыжьы оборудование, техникэ лъапIэхэр къакъырхэм, нэ­мыкI псэуалъэхэу дэеу ухъумагъэхэм ащышъумыIыгъынхэу. ТыгъуакIо­хэр шъуиунэ къимыхьанхэм фэшI ихьапчъэр ежъу­гъэтызэ шъушIы, шъуимыс зыхъукIэ шъхьаныгъуп­чъэхэр Iухыгъэу къэшъумыгъанэх, ахъщабэ шъуи­унэ щышъумыIыгъ. Пкъы­гъо лъапIэ горэ къызэ­рэшъущэфыщтыр мыцы­хьэшIэгъу цIыфхэм яшъумыгъашI, шъусакъ!
Шъуиунэ зыгорэ къы­зэрихьагъэм е пкъыгъо зэрикIодыкIыгъэм гу зэ­рэ­лъышъутагъэм лъыпы-
тэу телефонэу 02-мкIэ е 102-мкIэ полицием ­шъутеу.
Адыгэ Республикэм и МВД къэбархэмкIэ ыкIи общественнэ
зэпхыныгъэхэмкIэ иотдел