Мыекъуапэ щыщ илъэс 48-рэ зыныбжь Роман Верхов­скэр Урысые Федерацием и Уголовнэ кодекс ия 282.2-рэ статья ия 2-рэ Iахь зигугъу къышIырэ бзэ­джэ­шIагъэ зэрихьагъэкIэ (экстремист организацием иIофшIэн хэлэжьагъэкIэ) агъэмысагъ.

Урысыем щынэгъон­чъэнымкIэ и Федеральнэ къулыкъу Адыгэ Респуб­ликэмкIэ и ГъэIорышIа-
пIэ иматериалхэм атетэу уголовнэ Iофыр ащ къыфызэIуахыгъ.
ЩынэгъончъэнымкIэ Федеральнэ къулыкъум Адыгэ РеспубликэмкIэ и ГъэIорышIапIэ иIофы­шIэ­хэм зэрагъэунэфыгъэмкIэ, пщыныжь зыщара­гъэхьырэ учреждением щыIэзэ, Урысые Федерацием и Апшъэрэ хьыкум иунашъокIэ экстремистскэу алъытэгъэ дунэе движениеу «Арестантское уголовное единство» (АУЕ) иIофшIэн Р. Р. Верховскэр хэлэжьагъ. Хьапс щыIакIэм, АУЕ-м зэра­дыригъаштэрэр бэрэ ащ хьапсчIэсхэм ариIоу хъугъэ, цIыфыгъэ шапхъэхэм, правэм апшъэрэ мэхьанэ ямыIэу ылъытэщтыгъ, хэбзэ къулыкъухэм ялIыкIохэм жъалымыгъэ адызехьэгъэным къыфаджэщтыгъ.
Урысыем и Следственнэ комитет Адыгэ Респуб­ликэмкIэ иследственнэ гъэIорышIапIэ оперативнэ-лъыхъон Iофтхьабзэу зэрихьагъэхэм яматериалхэу щынэгъончъэнымкIэ къулыкъухэм аIэкIа­гъэхьагъэхэр IэубытыпIэ къызыфашIыхэзэ, Урысыем и Уголовнэ кодекс ия 282.2-рэ статья ия 2-рэ Iахь диштэу Р. Р. Верховскэм къыфызэIуахыгъэ уголовнэ Iофым хэплъагъэх.
Урысыем и Уголовнэ кодекс ия 282.2-рэ статья ия 2-рэ Iахь диштэу Адыгэ Республикэм и Мыекъопэ къэлэ хьыкум Р. Р. Верховскэм уголовнэ пщыныжь рагъэхьынэу, къэралыгъо къулыкъу хэушъхьафыкIыгъэм ар зэрэзекIорэм мэзи 6 гъу­нэ лъифынэу ыгъэнэфагъ. Хьыкумым уна-
шъоу ышIыгъэм хэбзэ кIуачIэ иIэ хъугъэ.
Урысыем щынэгъончъэнымкIэ
и Федеральнэ къулыкъу Адыгэ РеспубикэмкIэ
и ГъэIорышIапIэ ипресс-къулыкъу