МыцыхьэшIэгъу пкъыгъохэр зышъулъэгъухэкIэ шъузэрэзекIон фаер АР-м хэгъэгу кIоцI IофхэмкIэ и Министерствэ шъугу къегъэкIыжьы.

ЦIыфыбэ зыщызэрэугъоирэ чIыпIэхэм, учреждениехэм, къатыбэу зэтет унэхэм ядэкIояпIэхэм, транспортым цыхьэшIэгъунчъэ пкъыгъохэр ащышъулъэгъунхэ ылъэкIыщт. Гу зылъышъутэгъэ пкъыгъор а чIыпIэм ыкIи а уахътэм щымылъынэу щытмэ, шъунаIэ тешъумыдзэу къэшъумыгъан. Гъунэгъоу щытхэм ащыщ иемэ шъукIэупчI, арэущтэу къызычIэмыкIырэм, полицием макъэ ежъугъэIу.
Транспортым ащ фэдэ пкъыгъо къыщыжъугъотыгъэмэ, исхэм яемэ шъу­кIэупчI. Арэу щымытмэ, водителым макъэ ежъугъэIу.
Гуцаф шъозыгъэшIырэ пкъыгъор учреждениехэм къазыжьышъугъоткIэ, ащкIэ учреждением иадминистрацие е дежурнэм псынкIэу макъэ яжъугъэIу.
Гуцаф шъозыгъэшIырэ пкъыгъо къызыжъугъотыкIэ шъузэрэзекIон фаер:
— ар къызэкIоцIышъумых ыкIи шъу­мыгъэкощ;
— пкъыгъор зиер, амал иIэмэ, зэжъу­гъашIэ;
— зиер къэшъумыгъотыгъэмэ, полицием макъэ ежъугъэIу;
— гъунэгъоу щыт цIыфхэм зэлъяжъу­гъашI мыцыхьэшIэгъу
пкъыгъо зэрэщылъыр;
— нахь чыжьэу IукIынхэу яшъуIу;
— следственнэ-оперативнэ купыр къэсыфэ шъуеж.
Зыми имые джэгуалъэхэм, къэмланхэм, Iалъмэкъхэм къагъэорэ пкъыгъохэр арылъын зэрилъэкIыщтыр зыщышъумыгъэгъупш!
Джыри зэ шъугу къэтэгъэкIыжьы!!!
Ны-тыхэр! ШъуикIэлэцIыкIухэм ящыIэныгъэкIэ, япсауныгъэкIэ шъоры пшъэ­дэкIыжь зыхьырэр. Ахэм агурыжъугъаIу пкъыгъоу урамым къытырагъуатэрэм щынагъо къыпыкIын зэрилъэкIыщтыр. Къэжъугъотырэ пкъыгъохэм шъузэрэфаеу шъуадэмызекIу.
Адыгэ Республикэм и МВД къэбархэмкIэ ыкIи общественнэ зэпхыныгъэхэмкIэ иотдел ипресс-къулыкъу