Типшъашъэхэм тагъэгушIуагъ
![Image description](images_upload?image_name=2024/07/images_upload-172.jpg)
Урысыем и Кубок икъыдэхынкIэ зэнэкъокъоу Тульскэ хэкум щыкIуагъэм Адыгеим испортсменкэ куп щатекIуагъ.
Республикэ спорт еджапIэр къэзыухыгъэхэу, спортымкIэ мастерэу Елизавета Арчибасовар, спортым имастерынымкIэ кандидатхэу Анастасия Могилевскаяр, Диана Гейко зыхэхьэрэ командэм ипIалъэм къыпэу къызэпэчъэныр къыухыгъ. Зэнэкъокъум командитIу ныIэп хэлэжьагъэр. Адыгеим щыщ пшъашъэхэр яплIэнэрэ къекIокIыгъом Омскэ хэкум испортсменкэхэм апэ щишъыгъэх. Такъикъи 3-рэ нэгъэупIэпIэгъу 43-кIэ ахэм текIоныгъэр къыдахыгъ.
Елизавета Арчибасовар Урысыем ихэшыпыкIыгъэ командэ хэтэу Республикэу Беларусь ичемпионатэу къалэу Гродно щыкIорэм джыдэдэм хэлажьэ. Километри 124-м апэ ишъыгъэр Республикэу Беларусь щыщ Анна Терех ары. Урысыем ихэшыпыкIыгъэ командэ хэт Валерия Захаркинам я 5-рэ, Елизавета Арчибасовам я 7-рэ чIыпIэр къыдахыгъ.
![](images_upload?image_name=2024/07/велоспорт-2-741x1024.jpg)