Краснодар краим щыщхэу М. А. Гладковскэмрэ Р. В. Бэрэкъаемрэ Урысыем и Уголовнэ кодекс ия 30-рэ статья ия 3-рэ Iахь ипунктэу «г-м», ия 228.1-рэ статья ия 4-рэ Iахь зигугъу къашIырэ бзэджэшIа­гъэхэр (бэ хъоу наркотикхэр аIэкIагъахьэ зэрашIоигъуагъэмкIэ) зэра­хьагъэкIэ агъэмысагъэх.

Урысыем щынэгъончъэнымкIэ и Федеральнэ къулыкъу Адыгэ Респуб­ликэмкIэ и ГъэIорышIапIэ зэхищэгъэ уплъэкIунхэм якIэуххэм атетэу уголовнэ Iофыр къызэIуахыгъ.
Урысыем щынэгъончъэнымкIэ и Федеральнэ къулыкъу Адыгэ РеспубликэмкIэ и ГъэIорышIапIэ иIофышIэхэм зэрагъэунэфыгъэмкIэ, М. А. Гладковскэмрэ Р. В. Бэрэкъаемрэ наркотикэу героиныр шъэфэу чIыпIэхэм щачIалъхьэзэ, АР-м щыIуагъэкIыщтыгъ.
Килограмм 0,024-рэ хъурэ героиныр Мыекъуапэ ичIыпIэ горэм щычIалъхьанэу фежьагъэхэу зигугъу къэтшIыгъэхэр Урысыем щынэгъончъэнымкIэ и Федеральнэ къулыкъу Адыгэ РеспубликэмкIэ и ГъэIорышIапIэ иIофышIэхэм къаубытыгъэх.
МВД-м къалэу МыекъуапэкIэ и Следственнэ отдел оперативнэ-лъыхъон Iоф­тхьабзэу зэрихьагъэхэм, материалэу ащ щынэгъончъэнымкIэ къулыкъухэм аритыгъэхэм яшIуагъэкIэ М. А. Гладковскэмрэ Р. В. Бэрэкъаемрэ Урысыем и Уголовнэ кодекс ия 30-рэ статья ия 3-рэ Iахь ипунктэу «г-м», ия 228.1-рэ статья ия 4-рэ Iахь адиштэу къафызэ­Iуахыгъэ уголовнэ Iофхэм ахэплъагъэх.
Адыгэ Республикэм и Мыекъопэ къэлэ хьыкум Урысыем и Уголовнэ кодекс ия 30-рэ статья ия 3-рэ Iахь ипунктэу «г-м», ия 228.1-рэ статья ия 4-рэ Iахь адиштэу М. А. Гладковскэм илъэс 12, Р. В. Бэрэкъаем илъэси 10-рэ мэзи 6-рэ хьапсым дэсынхэу атырилъхьагъ.
Хьыкумым иунашъо хэбзэ кIуачIэ иIэ хъугъэ.
Урысыем щынэгъончъэнымкIэ
и Федеральнэ къулыкъу
Адыгэ РеспубликэмкIэ и ГъэIорышIапIэ ипресс-къулыкъу