Мы уахътэр лъэшэу бэрэчэт ыкIи тхъагъо: уашъор къаргъо, жьыр фабэ ыкIи плъыр; псы­хъохэр чъэр псын­кIэх — IотэжьыпIэ, гужьыдэгъахьэх.

Бэдзэогъур — агурэ гъэмэфэ мазэр лъэш: зы­шъхьамысыжьэу фэбэшхор къетIупщы; нэф­шъагъом ичъыIэтэгъэ гуа­пэ жьыртэдж тыгъэм ибзыйхэм тырагъэзыкIы, сыхьатыр 7 — 8-м зэ­рэщытэу дунаир, хьакум фэдэу, къызэкIэплъыхьэ.
ТинасыпкIэ тиадыгэ шъолъыр чъыг бырэбэ зэ­фэшъхьафыбэр къыщэ­­кIы жьаупIэ хэти фэ­хъу­хэу, типсыхъохэри нэ­хъоих, гоIух; цIыфым игопэгъу уахътэ ахэм зэ­ралъэкIэу къыфагъэ­псынкIэ. Ауми, псыр — псыхъор узыфэсакъынэу щыт: ехьыжьэгъэгъэ-­псынкIагъэр ащ ыштэ­рэп, зыдебгъаштэу ущесыныр е нахь щэнджым ухэсыныр тхъагъо — укъы­щэкIэжьы. Адэ дахэ­хэшъ типсыхъохэр гъэмафэм! Пцел Iупэх, чъы­Iэтагъэх, къаргъох, гъунджэу зарыолъэгъожьы.