«ЭкоГупчэм» ишъолъыр къутамэу Мыекъуапэ дэтым къыщызэIуахыгъэ «МэкIай уцышъор» тхы­лъыкIэхэмкIэ агъэбаигъ.

Къэлэдэсэу Сергей Варе­никовым ихъарзынэщ щыщ тхылъхэу хэгъэгу ыкIи дунэе классикэм хэхьагъэхэр, гущыIалъэ­хэр, кIэлэцIыкIухэм афэгъэ­хьыгъэхэр ыкIи нэмыкIыбэхэр мыщ къыхьыгъэх.
«Зэрэунагъоу тхылъмэ тяджэныр зы лъэхъанэ тикIасэу щы­тыгъ. Унэ тхылъеджапIэр илъэс пчъагъэхэм къакIоцI зэIукIагъ. ТхылъхэмкIэ зэхъожьын Iоф­тхьабзэу режъугъэкIокIырэм тызыщэгъуазэм, тэри тиIахь ащ хатлъхьэ тшIоигъоу тыхъугъ. Тхылъхэр мэкIайхэм ащыусэпынхэу щытэп, ахэм уяджэн фае», — еIо Сергей Варениковым.
Шъолъыр операторым ибуккросинг шIуагъэ къызэритырэр апэрэ мазэм къэлъэгъуагъ. Мы мэкIаим тхылъхэу зэджэгъа­хэхэр тыралъхьэх, нэмыкIхэр къытырахых, ащ ренэу тхылъы­кIэхэр къытехъох. Зы мафэм ащ тхылъ макIэ теолъагъомэ, адрэ мафэм тефэжьырэп. ЦIыфхэр чанэу мы Iофым къы­зэрэхэлажьэхэрэм ар къып­къы­рэкIы, тхылъмэ «ящыIэныгъэ» нахь кIыхьэ ашIы.
ООО-у «ЭкоГупчэм» и Адыгэ къутамэ
ипресс-къулыкъу