Урысыем щынэгъончъэнымкIэ и Федеральнэ къу­лыкъу Адыгэ Респуб­ликэм щызэрихьэгъэ оперативнэ-лъыхъон Iоф­тхьабзэхэм яшIуагъэкIэ Закавказьем къыщыхъугъэ, дунэе террористи­ческэ организациеу ИГИЛ-м хэт Ф. Ф. Ахмадовэу республикэм ихэ­бзэухъумэкIо къулыкъухэм яIофышIэхэмрэ яадминистративнэ унэ­рэ къэзыгъао зышIои­гъуа­гъэр Мыекъуапэ къыщаубытыгъ.

ЩынэгъончъэнымкIэ къулыкъухэм яIофышIэхэм хъулъфыгъэр зыщыпсэущтыгъэ унэр къызалъыхъум, Урысыем и МВД иIофышIэ иавтомобиль зэригъэ­стынэу фэегъэ пкъыгъохэр, шъэ­жъыер, дунэе террористическэ организацием иэмиссар­хэу КъокIыпIэ Благъэм щы­Iэхэм шъэфэу зэпхыныгъэ зэрадыри­Iэщт пкъыгъохэр, ИГИЛ-м итамыгъэ зытет визиткэхэу теракт зыщишIыщт чIыпIэм дэжь къы­Iуинэнхэу щытыгъэхэр къырагъотагъэх.
БзэджашIэм хэбзэухъумэкIо къулыкъухэм яIофышIэхэм къы­зэрафиIотагъэмкIэ, поли­цием иIофышIэ иавтомобиль зигъэфыкъуахэкIэ, ащ теракт зэрихьэ, Урысыем и МВД къа­лэу Мые­къуапэкIэ иотдел
идежурнэ часть машIо кIидзэ шIоигъуагъ. ЕтIанэ къагъэорэ пкъыгъор ежь-­ежьырэу ыугъоин, Мыекъуапэ ипсэуалъэу цIыфхэр жъугъэу зыщызэIукIэхэрэм ар щигъэфедэн имурадыгъ.
ЩынэгъончъэнымкIэ къулыкъухэм яследственнэ подразделениехэм Урысые Федерацием и Уголовнэ кодекс ия 30-рэ статья ия 3-рэ Iахь, ия 205-рэ статья иа 1-рэ Iахь, ия 205.5-рэ статья ия 2-рэ Iахь, ия 205.1-рэ статья иа 1.1-рэ Iахь зигугъу къашIырэ бзэджэшIагъэхэр Ф. Ф. Ахмадовым зэрэзэрихьагъэм пае уголовнэ Iоф къы­фызэIуахыгъ.
Къыблэ шъолъыр дзэ хьыкумым Урысые Федерацием и Уголовнэ кодекс ия 30-рэ ­статья ия 3-рэ Iахь, ия 205-рэ статья иа 2-рэ Iахь ипунктэу «а»-м, ия 205.1-рэ статья иа 1.1-рэ Iахь, ия 205.5-рэ статья ия 2-рэ Iахь зигугъу къашIырэ бзэджэшIагъэхэр зэрихьагъэкIэ Ф. Ф. Ахмадовыр ыгъэмысагъ, илъэси 3-рэ хьапсым, етIанэ илъэс 14-рэ колонием дэсынэу тырилъхьагъ.
Дзэ хьыкумым унашъоу ышIыгъэм кIуачIэ иIэ хъугъэ.