Адыгэ Республикэм щыпсэухэу лъытэныгъэ зыфэтшIыхэрэр!
ТичIыпIэгъу лъапIэхэр!
Унагъом, шIулъэгъум, шъыпкъэныгъэм я МафэкIэ тышъуфэгушIо!

Хэтрэ цIыфи обществэми ящыIэныгъэкIэ унагъом мэхьанэшхо зэриIэр мы урысые мэфэкI шIагъом къыхэщы. ЦIыфыгъэ шэпхъэ дахэхэм – шIулъэгъум, гукIэгъум, шъыпкъагъэм узэрарыгъозэн, лъытэныгъэ нэмыкIхэм зэрафыуиIэн фаем итамыгъэу ар щыт.
Унагъор къэралыгъомрэ обществэмрэ алъапс. Сабыим апэрэ лъэбэкъу­хэр зидзыхэрэм къыщыублагъэу унагъоу къызэрыхъухьагъэм, игупсэ цIыфхэу къешIэкIыгъэхэм, кIэгъэкъон пытэу сыдигъуи иIэщтхэм яфэмэ-бжьымэ къытырехьэ. Урысые Федерацием и Президентэу Владимир Путиным зэрэхигъэунэфыкIыгъэу, пшъэрылъ шъхьаIэу унагъом иIэр сабыйхэр дунаим къытыригъэхъонхэр, ыпIунхэр, лIэужхэр лъигъэкIотэнхэр ары.
Унэгъо кIоцIым щапIурэ сабыим хэбзэшIоу, нэхъоеу , Iэдэбэу ащ илъхэр зыпкъырещэх, и Хэгъэгу шIу ылъэгъоу къэтэджы. Унагъом бэкIэ елъытыгъ къыткIэхъухьэрэ лIэужхэм пIуныгъэу агъотыщтыр, щыIэныгъэ гъогоу пхыращыщтыр. Урысыем итарихъ, икультурэ бай аIэкIэзыгъахьэрэр, лъэпкъым игушъхьэлэжьыгъэ, тихэгъэгу щагъэлъэпIэрэ хэбзэ шIагъохэр къэзыухъумэрэр, лIэуж зэфэшъхьафхэр зэзыпхырэр унагъор ары.
ТичIыпIэгъу лъапIэхэр! Къэралыгъом и Президент иунашъокIэ мы илъэсыр унагъом и Илъэсэу агъэнэфагъ. Iофтхьабзэу мыгъэ зэрахьащтхэр унагъом игъэпытэн, сабыибэ зэрыс унагъом нахьыбэу IэпыIэгъу егъэгъотыгъэным зэрафэIорышIэщтхэм тицыхьэ телъ.
Адыгеим ис унагъохэм тыгу къыддеIэу тафэлъаIо насыпыр, хъярыр, шIулъэ­гъур къябэкIэу щыIэнхэу, яIофхэр дэгъоу зэпыфэнхэу! КIэлэцIыкIу щхы ма­къэр ренэу шъуиунэхэм ащыIунэу, мамырныгъэрэ зэгурыIоныгъэрэ арылъынэу шъуфэтэIо!
Адыгэ Республикэм и ЛIышъхьэу, Урысые политическэ партиеу «Единэ Россием» и Адыгэ шъолъыр къутамэ и Секретарэу
КъумпIыл Мурат
Адыгэ Республикэм и Къэралыгъо Совет - Хасэм и Тхьаматэу
Владимир Нарожнэр