Пшъашъэхэм тагъэгушIуагъ
Адыгеим испортсменхэр кушъхьэфэчъэ спортымкIэ зэнэкъокъуитIумэ мы аужырэ мафэхэм ахэлэжьагъэх.
Пшъашъэхэм Урысыем и Кубок икъыдэхынкIэ зэнэкъокъоу Тула щыкIуагъэмрэ Урысыем ичемпионатрэ медальхэр къащахьыгъэх. Хэгъэгум и Кубок икъыдэхын тегъэпсыхьэгъэ зэнэкъокъум Анастасия Могилевскаямрэ Диана Гейкорэ ящэнэрэ чIыпIэр къыщыдахыгъ. Тульскэ хэкум къикIыгъэ спортсменкэхэр ары апэрэ чIыпIэр зыубытыгъэр. Диана Гейкорэ Елизавета Арчибасовамрэ километри 3-м икъэчъынкIэ джэрз медаль Урысыем ичемпионат къыщахьыгъ.
Илъэс 15 — 16 зыныбжьхэм Ростов-на-Дону щыкIогъэ зэнэкъокъухэм якъулайныгъэ къыщагъэлъэгъуагъ. Адыгэ Республикэм ыцIэкIэ шъэожъыехэр ары ащ хэлэжьагъэхэр. Тиреспубликэ испортсменхэм очкоуи 101-рэ рагъэкъугъ, я 12-рэ чIыпIэр аубытыгъ. Апэрэ чIыпIэр зыхьыгъэр Астрахань хэкум, ятIонэрэр — Къэбэртэе-Бэлъкъарым, ящэнэрэр — Псков хэкум яспортсмен-
хэр ары.