Классическэ шах­матхэмкIэ Адыгеим ипервенствэ щате­кIуагъэхэм ацIэ непэ къетIон тлъэкIыщт.

Илъэси 6-м щегъэжьагъэу ­илъэс 11-м нэс зыныбжь кIэлэцIыкIухэр купищэу зэтеутыгъэу текIоныгъэм фэбэнагъэх. ПстэумкIи шахматист 51-рэ зэнэкъо­къугъ. Ахэм ащыщэу 37-р шъэожъыех. Зэнэкъокъур мэфи 4 кIуагъэ. Швейцарскэ, хъурэе къекIокIыгъо шIыкIэм тетэу ар рекIокIыгъ. Анахьыжъхэм якупкIэ (2013 — 2014-рэ илъэсхэм къэхъугъэхэмкIэ) анахь лъэшыгъэр Константин Коженковыр ары. Нэбгыри 7-мэ задешIэм, ащ очкоуи 7 ригъэ­къугъ. Гурыт ныбжь зиIэхэмкIэ текIо­ныгъэр джыри къыдэзыхыгъэр Адыге­им ипервенствэхэм мызэу, мытIоу ащатекIогъэ Роман Киракосян ары. ЗыдешIэгъэ пстэуми ащ къашIуихьыгъ. АнахьыкIэхэм якуп (2017 — 2018-рэ илъэсхэм къэхъугъэхэм) хэхьэрэ спортсмени 5-мэ язэнэкъокъу Мэрэтыкъо ТIахьир щатекIуагъ.
АнахьыкIэхэм якуп хэхьэрэ пшъэшъэжъыитIур шахмат зызэдешIэхэм, Ая Кабылбековам те­кIоныгъэр къыхьыгъ. Гурыт ныбжь зиIэхэмкIэ анахь лъэшэу къычIэ­кIыгъэр Пхэнэе Дан. Анахьыжъхэм якупкIэ атекIуагъэр Василиса Назаровар ары. Ащ очкоуи 4,5-рэ ригъэкъугъ.