Щэгъогогъо агъэпцIагъэх
Чэщ-зымафэм къыкIоцI Iудзыгъэ шIыкIэмкIэ гъэпцIагъэ зыхэлъ хъугъэ-шIэгъи 3 Адыгеим щагъэунэфыгъ.
Урысыем хэгъэгу кIоцI IофхэмкIэ и Министерствэ иотделэу Мыекъопэ районым щыIэм илъэс 43-рэ зыныбжь бзылъфыгъэм зыфигъэзагъ гъэпцIагъэ зыхэлъ бзэджэшIагъэ къыдызэрахьагъэу. ЗэрагъэунэфыгъэмкIэ, зэкъодзакIохэм мессенджерымкIэ ыкIи телефон номеритIумкIэ бзылъфыгъэм зыфагъэзагъ. ЧIыфэу банкым къыIихыгъэр ыпщыны-
жьын ылъэкIынэу бзылъфыгъэм ышIошъ агъэхъугъ, ащ фэшI амыгъэунэфыгъэ счетым сомэ мини 140-рэ афыригъэхьанэу къыраIуагъ. Бзылъфыгъэм гъэпцIакIохэм цыхьэ афишIи къыраIуагъэр афигъэцэкIагъ.
Мыщ фэдэ хъугъэ-шIагъэхэр Мыекъуапэ щагъэунэфы-гъэх. Ушъхьагъу зэфэшъхьафхэр ашIызэ илъэс 34-рэ ыкIи 64-рэ зыныбжь бзылъфыгъитIур агъэделагъ, «щынэгъончъэ счетым» рагъахьэу аIозэ, бзэджашIэхэм ясчет ахъщэр афырагъэхьагъ. ТIуми зэхэтэу сомэ мин 500 фэдиз ашIуатыгъугъ.
ГъэпцIагъэ зыхэлъ хъугъэ-шIэгъи 3-у полицием икъулыкъушIэхэм чэщ-зымафэм агъэунэфыгъэмкIэ зэрарэу цIыфхэм ашIыгъэр сомэ мин 600-м ехъу.
АР-м хэгъэгу кIоцI IофхэмкIэ и Министерствэ ипресс-къулыкъу