Урысыем и Следственнэ комитет ­иследственнэ гъэIорышIапIэу Адыгэ Республикэм щыIэм къалэу МыекъуапэкIэ иследственнэ къутамэ УФ-м и Уголовнэ кодекс ия 105-рэ статья иа 1-рэ Iахь къыдилъытэрэ бзэджэшIа­гъэу (пшIэзэ цIыф уукIыныр) ФГУП-у «Къэрэгъулым» иIофышIэщтыгъэм зэрихьагъэм пае уголовнэ Iофэу къаIэтыгъэм изэхэфын ыухыгъ.

Следствием зэригъэунэфыгъэмкIэ, 2024-рэ илъэсым мэлылъфэгъум и 14-м пчыхьэм иIоф­шIапIэ ар щыIагъ, джащ фэдэу а уахътэм почтэм иIофышIи ащ чIэсыгъ. ЗэдэгущыIэхэзэ зэшIонэнхэу хъугъэти, къэрэгъулым IофшIапIэм щигъэфедэрэ Iашэр къышти, иIофшIэгъу еуагъ, ащ лъыпытэу адрэм ыпсэ хэкIыгъ.
КIэух зэфэхьысыжьэу къалэу Мыекъуапэ ипрокурор ыухэсыгъэмрэ уголовнэ Iофымрэ ахэплъэнэу хьыкумым IэкIагъэхьагъэх.