Лъытэныгъэ зыфэсшIырэ
сиIофшIэгъухэр!
ГъогурыкIоныр щынэгъончъэнымкIэ Къэралыгъо автоинспекциер зыщагъэпсыгъэ мафэм тефэу шъуисэнэхьат епхыгъэ мэфэкIымкIэ сыгу къыздеIэу сы­шъуфэгушIо!
Къэралыгъом игъогухэм щынэгъончъагъэр ащы­гъэпытэгъэнымкIэ ыкIи общественнэ рэхьатныгъэр къащыухъумэгъэнымкIэ тикъулыкъу мэхьанэ иI. Гъо­гурыкIоныр щынэгъончъэным епхыгъэ IофшIэным хэшIыкI куу фызиIэ, IэпэIэсэныгъэ ин зыIэкIэлъ IофышIэхэм щытхъу хэлъэу ар агъэцакIэзэ мэфэкIым пэгъокIых. ТапэкIи IофшIэнымкIэ IэпэIэсэны­гъэу шъуIэкIэлъым шъолъыр пэпчъ гъогу щынэгъончъагъэр щыгъэпытэгъэнымкIэ ишIуагъэ къэкIонэу шъуфэсэIо!
Къулыкъу мыпсынкIэм Iоф щызышIэхэрэм ыкIи иветеранхэм псауныгъэ пытэ яIэнэу, бэгъашIэ хъунхэу, гъэхъагъэхэр ашIынхэу сафэлъаIо!
АР-м хэгъэгу кIоцI IофхэмкIэ и Министерствэ гъогурыкIоныр щынэгъончъэнымкIэ и Къэралыгъо автоинспекцие и ГъэIорышIапIэу Адыгеим щыIэм ипащэу, полицием иподполковникэу
А. И. Огурцовыр.