Бэдзэогъум и 2-м къыщегъэжьагъэу и 7-м нэс пэшIорыгъэшъ Iофтхьабзэу «Щынэгъончъэ бгырыпхыр, кIэлэцIыкIу тIысыпIэр» зыфиIорэр республикэм щыкIощт.

ГъогурыкIоным хэлэжьэрэ пстэу­ми ящынэгъончъагъэ, шъхьэ­кIэфэныгъэу гъогум щызэфыря-
Iэр гъэпытэгъэным, кIэлэцIыкIу фыкъоныгъэхэр нахь макIэ хъунхэм ар афэIорышIэщт.
Пчъагъэхэм къагъэлъагъорэм игугъу къэтшIымэ, 2024-рэ илъэсым бэдзэогъум и 1-м ехъулIэу республикэм игъогухэм хъугъэ-­шIэгъи 183-рэ къатехъухьагъ, ахэм нэбгырэ 43-рэ ахэкIодагъ, нэбгырэ 200-мэ шъобжхэр ате­щагъэх. Авариеу зигугъу къэтшIыгъэхэм ащыщэу 16-мэ кIэлэцIыкIухэр ахэфагъэх, ахэм нэбгыри 2 ахэкIодагъ, 17-мэ шъобжхэр ха­хыгъэх.
ПэшIорыгъэшъ Iофтхьабзэр окIофэ хъугъэ-шIагъэхэр нахь макIэ шIыгъэнхэм гъогу патруль къулыкъум иIофышIэхэм анаIэ тырагъэтыщт. Зыгъэпсэфыгъо ма­фэхэм кIэлэцIыкIухэр нахьыбэрэ зэращэхэ мэхъу. Арышъ, ахэм ящынэгъончъагъэ фэIорышIэрэ бгырыпхыр ыкIи тIысыпIэр водительхэм зэрагъэфедэрэр ауплъэ­кIущтых. Зезыщэхэрэм зэдэгущыIэгъухэр адашIыщтых.
ЛIыунэе Тимур.
Гъогу патруль къулыкъум ихэу­шъхьафыкIыгъэ батальон иротэу N 1-м икомандир, полицием имайор.