ХагъэунэфыкIырэ чIыпIэхэр къахьыгъэх
![Image description](images_upload?image_name=2024/07/Шашев-тяжелая-атлетика.jpg)
2024-рэ илъэсым мэкъуогъум и 25 — 28-м Республикэу Беларусь икъалэу Гродно СССР-м изаслуженнэ тренерэу П. И. Савицкэм ишIэжь фэгъэхьыгъэ зэнэкъокъур щыкIуагъ.
Атлетикэ онтэгъумкIэ Урысыем ихэшыпыкIыгъэ купэу илъэс 15 — 20 зыныбжь кIалэхэр зыхахьэрэр ащ хэлэжьагъ. Мыекъопэ къэралыгъо гуманитар техническэ колледжым истудентхэу ЩэшIэ Рустамрэ Дмитрий Шмаринымрэ мы зэнэкъокъум гъэхъэгъэшхохэр щашIыгъэх. Килограмм 96-рэ къэзыщэчыхэрэмкIэ Дмитрий Шмариным зэхэубытагъэу килограмм 325-рэ къыIэтыгъ ыкIи апэрэ чIыпIэр къыдихыгъ. ЩэшIэ Рустам килограмм 81-рэ къэзыщэчыхэрэмкIэ ятIонэрэ чIыпIэр къыхьыгъ. Зэхэубытагъэу килограмм 293-рэ ащ къыIэтыгъ. Студентхэр зыгъасэхэрэр тренерхэу Сихъу Рэмэзанрэ Сихъу Аслъанрэ. Урысыем ичемпионатэу Новосибирскэ щыкIощтым хэлэжьэнхэу тикIалэхэм загъэхьазыры.
![](images_upload?image_name=2024/07/Шмарин-тяжелая-атлетика-1024x576.jpg)