Мыекъопэ районым щыщ Александр Калугиным егъэджэн программэу «ЛIыхъужъхэм яуахът» зыфиIорэм ипэIудзыгъэ тестирование фондэу «Хэгъэгум иухъумакIо­хэм» ишъолъыр къутамэ щикIугъ.

Мы программэр зытегъэпсы­хьагъэр хэушъхьафыкIыгъэ дзэ операцием хэлэжьагъэхэр нэужкIэ къэралыгъо ыкIи муници­пальнэ хэбзэ къулыкъухэм, къэралыгъо компаниехэм IэпэIэсэныгъэ, къулайныгъэ ахэлъэу Iоф ащашIэным фэгъэхьазырыгъэн-
хэр ары.
Фронтым щигъотыгъэ Iэпэ­Iэсэныгъэм шIуагъэу къыхьын ылъыкIэщтыр Александр Калугиным къыIотагъ.
— ХэушъхьафыкIыгъэ дзэ операцием иветеранхэм мамыр щыIакIэм къызфагъэзэжьыкIэ, Iофыгъоу зэолIэнхэ алъэкIыщтыр тэ, кIалэхэу зэуапIэм Iутхэм, дэгъоу тэшIэ: IофшIапIэ Iухьанхэр, апшъэрэ еджапIэм чIэхьанхэр, медицинэ уплъэкIуныр… Къэралыгъо къулыкъум сыхэт зыхъукIэ, а къэбарыр ведомствэхэм ыкIи организациехэм алъызгъэIэсын слъэкIыщт. Арышъ, шIэныгъэу сIэкIэлъхэм цIыфхэм шIуагъэ къа­фихьыным пае зэхэт IофшIэным зыфэзгъэсэн фае, — хигъэу­нэфыкIыгъ дзэкъулыкъушIэм.
ПэIудзыгъэ тестированием ипункт фондэу «Хэгъум иухъумакIохэр» зыфиIорэм ишъолъыр къутамэ щызэхащагъ. Адресыр: ур. Пролетарскэр, 353, мафэ къэс сыхьатыр 9-м къыщегъэ­жьагъэу пчыхьэм 6-м нэс.