Урысыем щынэгъончъэнымкIэ ифедеральнэ къулыкъу иконтрразведкэ иIофышIэ гъэшIуагъэу, генерал-лейтенантэу ­Л. Д. Шидловскэм ишIэжь фэгъэхьыгъэ турнир Москва щызэхащагъ. Футбол цIыкIумкIэ команди 8 зэнэкъокъугъ.

Iофтхьабзэм къекIолIэгъэ спортсменхэр зэкIэ зэо-зэпэуцужьхэм, хэушъхьафыкIыгъэ дзэ операцием ахэлажьэх. Спортыр шIу зылъэгъурэ ыкIи контрразведкэм ишэн-хабзэхэм шъхьэкIафэ афэзышIырэ къулыкъуш­Iэ­хэр футбол ешIапIэм щызэIукIагъэх. Ахэм упчIэжьэгъу ыкIи IэпыIэгъу афэхъугъэх дзэ контрразведкэм иветеранхэмрэ яунагъохэм арысхэмрэ.
Зэнэкъокъум къекIолIэгъэ кIэлэцIыкIухэми ашIэн агъотыгъ. Ахэм апае Iофтхьабзэхэр рагъэкIокIыгъэх. Шъэожъыехэм ыкIи пшъэшъэжъыехэм ашIогъэшIэгъоныгъ зао зыщыкIорэ чIыпIэхэм ащагъэфедэрэ хэушъхьафыкIыгъэ техникэу мыщ къыщагъэлъэгъуагъэр, анахьэу «Тигр», «Чаборз» зыфаIохэрэр. Ахэм дзэкIолI кашэр ыкIи IэшIу-IушIухэр ашхыгъ.
ТекIоныгъэр къыдэзыхыгъэр зэнэкъокъур зэхэзыщэгъэ командэр ары. Ащ хэтхэм афэгушIуагъэх Л.Д. Шидловскэм ишъхьэгъусэу Алина Иван ыпхъумрэ Урысыем спортымкIэ изаслуженнэ мастерэу Павел Погребнякрэ.

Урысыем щынэгъончъэнымкIэ
ифедеральнэ къулыкъу
АдыгеимкIэ и ГъэIорышIапIэ ипресс-къулыкъу.