Медалищ къахьыгъ
Адыгеим идзюдоистхэм къалэу Ермэлхьаблэ щыкIогъэ Урысые зэнэкъокъухэм медалищ къащахьыгъ.
Зыныбжь илъэс 21-м емыхъугъэхэр ары зызыушэтыгъэхэр. Республикэр нэбгырэ 11-мэ къагъэлъэгъуагъ. КIалэхэм хагъэунэфыкIырэ чIыпIэхэр къыдахын алъэкIыгъэп, ау пшъашъэхэм медалищ къафагъэшъошагъ.
ТекIоныгъэр къыдихыгъ Милана Дзагаловам. Джащ фэдэу Камилла Дзагаловамрэ Мариам Малерянрэ джэрз медальхэр къахьыгъэх.
ЗэкIэмкIи Iофтхьабзэм спортсмен 392-мэ зыщаушэтыгъ. Анахь дэгъухэр Урысыем ипервенствэ хэлэжьэнхэу фитыныгъэ къыдахыгъ.