НыбжьыкIэхэм я Ма­фэкIэ тышъуфэгушIо!
Урысыем ыпашъхьэ непэ пшъэрылъышхохэр итых. Ахэр гъэцэкIэгъэнхэм, ти­къэралыгъуи, ащ щыпсэу­хэрэми янеущырэ мафэ нахьышIу хъуным апае, Урысые Федерацием и Президентэу Владимир Путиным зэриIуагъэу, «хэгъэгур чыжьэу ыпэкIэ лъызыгъэкIотэщт, Урысыем хэхъоныгъэ езыгъэшIыщт, лъэпкъ зэгурыIоныгъэр зылъэпсэ къэралыгъо гъэпсыкIэр яIэубытыпIэу Урысыем ис лъэпкъхэм яхабзэхэр къэзыу­хъумэщт ныбжьыкIэхэр пIугъэнхэ фае».
Хэгъэгуми, республикэми къарыкIощтыр бэкIэ зэ­лъытыгъэр ныбжьыкIэхэм яхъупхъагъ, яхэгъэгу шIу­лъэгъоу фыряIэр, гъэсэ­ныгъэу зэрагъэгъотырэр щы­IакIэм зэрэзыдырагъэштэшъурэр ары. Шъоры, непэрэ кIэлэеджакIохэр, сту­дентхэр, специалист ныбжьыкIэхэр ары, уахътэ зытешIэкIэ экономи­кэм иотраслэ шъхьаIэхэми, социальнэ лъэныкъоми Iофыгъохэр ащызэшIозыхыщтхэр, хэгъэгум инаучнэ-технологическэ амал зыгъэпытэщтыр, ащ ­исуверенитетрэ ифедэ­хэмрэ къэзыухъумэщтхэр.
Хэгъэгум исоциальнэ-­политическэ щыIэныгъэ ныбжьыкIэхэр хэщэгъэнхэмкIэ Iофтхьабзэхэр илъэсыбэ хъугъэу зэрэзэрахьэрэм, урысые обществэм уасэ зыфишIырэ шIуагъэхэр ныбжьыкIэхэм зэрэзыпкъыращэрэм тицыхьэ тырегъэлъы Хэгъэгум ифедэхэм якъэгъэгъу­нэнкIэ хэбзэ шIагъохэр ныбжьыкIэхэм тапэкIи зэрэлъагъэкIотэщтхэм, Адыгеими, Урысыеми хэхъо­ныгъэшхо зэрашIыщтым.
НыбжьыкIэ пстэуми псауныгъэ пытэ, щыIэ­кIэ-псэукIэ дэгъу яIэнэу, ягухэ­лъышIухэр къадэхъунэу, еджэнми, IофшIэнми гъэ­хъагъэхэр ащашIынэу та­фэлъаIо!
Адыгэ Республикэм и ЛIышъхьэу,
Урысые политическэ
партиеу «Единэ Россием» и Адыгэ шъолъыр къутамэ и Секретарэу
КъумпIыл Мурат
Адыгэ Республикэм
и Къэралыгъо Совет — Хасэм и Тхьаматэу
Владимир Нарожнэр