Лъэпкъ искусствэмкIэ къэралыгъо ансам­блэхэм яя 2-рэ Урысые кIэлэцIыкIу Iофтхьабзэу «Фольклорида» зыфиIоу Татарстан щыкIуагъэм «Мыекъуапэ инэфылъэхэр» хэлэжьагъэх ыкIи кIэух къэгъэлъэгъоным зыкъыщагъэлъэгъуагъ.

Купым къэшъуитIу къышIыгъ ыкIи сыдигъуи фэдэу Iэгушъо тео зэпымыужьхэр къылэжьыгъэх. Художественнэ пащэр УФ-м культурэмкIэ изаслуженнэ IофышIэу, АР-м инароднэ, КъБР-м изаслуженнэ артистэу Нэныжъ Айдэмыр.
Кэралыгъом ишъолъыр 80-мэ къарыкIыгъэ нэбгырэ 1000-м ехъу «Фольклоридэм» хэлэжьагъ. Ащ еплъыгъэхэм къэралыгъошхом щыпсэурэ лъэпкъ зэмылIэужыгъохэм якъашъохэр алъэгъугъэх, яорэдхэр зэхахыгъэх. Пшъэрылъ шъхьаIэу иIэр лъэпкъ культурэр къызэтегъэнэгъэныр, лIэужыкIэхэм шэн-хабзэхэр ашIэхэу, уасэ фашIэу, алъытэу пIугъэнхэр ары.
УФ-м илъэпкъ проектэу «Культурэм» къыдыхэлъыта­гъэу, федеральнэ Министерствэм иIэпыIэгъу хэлъэу Iофтхьабзэр рагъэкIокIыгъ.
Анцокъо Ирин.
Сурэтыр: АР-м культурэмкIэ и Министерствэ ителеграм-нэкIубгъу.