Адыгеим шахматхэмкIэ изэнэкъокъу республикэм икъэлэ шъхьаIэ щыкIуагъ.

Ащ 2013 — 2018-рэ илъэсхэм къэхъугъэ шъэожъыехэр ыкIи пшъэшъэжъыехэр хэлэжьагъэх. Зэнэкъокъур швейцарскэ ыкIи хъурэе къекIокIыгъо шIыкIэм атетэу рекIо­кIыгъ.
АнахьыкIэхэм якуп текIоныгъэр къыдэзыхыщтыр къызщынэфагъэр Сэмэгу Тимуррэ Мэрэтыкъо ТIахьиррэ язэIукIэгъу ары.
Т. Сэмэгур нахь лъэшэу къычIэкIыгъ, апэрэ чIыпIэр къыдихыгъ. Гурытхэм якуп щызэнэкъокъугъэхэм зэкIэми анахь лъэшыгъ Мыекъуапэ ыкIи Адыгеим ащыцIэрыIо Роман Киракосян. НахьыжъхэмкIэ те­кIоныгъэр къыдэзыхыгъэр Виталий Мирошниковыр ары.
Пшъашъэхэм язэнэ­къокъу гъэшIэгъонэу кIуагъэ. Арина Жуковамрэ Василиса Назаровамрэ апэрэ чIыпIэм фэбэнагъэх. Ахэр партиеу «армагеддон» зыфиIорэм ешIэнхэ фае хъугъэ, сыда пIомэ очко пчъа­гъэу рагъэкъугъэр зэфэдиз. Мызэгъэгум нахь лъэшэу къычIэкIыгъэр Василиса Назаро-
вар ары.
Джы непэ классическэ шахматхэмкIэ Адыгеим ипервенствэ рагъэжьэщт, ар бэ­дзэогъум и 1-м нэс кIощт.