Щэ щэрыонымкIэ къэралыгъом ичем­пионат, Урысые зэ­нэкъокъухэр ыкIи УФ-м и Кубок икъыдэхын фэгъэхьыгъэ Iофтхьабзэр Московскэ хэкум и Дмитровскэ район щыкIуагъэх.

Ахэм Адыгеим илIыкIохэм дэгъоу зыкъыщагъэлъэгъуагъ, медаль къахьыгъ.
Зэнэкъокъухэм къэралыгъом ишъолъыр 44-мэ къарыкIыгъэ спортсмен 400-м ехъу ахэлэ­жьагъ. Ахэм ахэтыгъэх Олим­пийскэ джэгунхэм, дунаим ыкIи Европэм ячемпионатхэм текIоныгъэр ыкIи хагъэунэфыкIырэ чIыпIэхэр къащыдэзыхыгъэхэр.
Урысыем и Кубок икъыдэхын фэгъэхьыгъэ зэнэкъокъум Адыге­им икомандэ медаль къыщихьыгъ. Екатерина Яшан, Дырбэ Аминэ ыкIи Арина Калнинам ящэнэрэ чIыпIэр къафагъэшъошагъ. Ахэм апэ ишъыгъэх опытышхо зиIэ Москва ыкIи Санкт-Петербург яспортсменкэхэр.
Дэгъоу зыкъыгъэлъэгъуагъ Анастасия Кравцовам. Ащ ха­гъэунэфыкIырэ чIыпIэ къыди­хыгъэп, ау Урысыем спортым имастер хъунымкIэ шапхъэр ыгъэцэкIагъ.