Къуалъхьэ аритэу къаубытыгъ
Кощын Iофхэм япхыгъэ хэбзэгъэуцугъэр зыукъохэрэм якъыхэгъэщынкIэ Мыекъопэ районым иполицие икъулыкъушIэхэм Iофтхьабзэу зэхащагъэм къыкIэлъыкIоу IэкIыбым къикIыгъэхэр УФ-м хэбзэнчъэу къихьагъэхэу ыкIи Iоф щашIэу агъэунэфыгъ.
Хэбзэукъоныгъэр зезыхьэгъэ илъэс 44-рэ зыныбжьыр къулыкъушIэхэм къаубытыгъ ыкIи административнэ пшъэдэкIыжь тыралъхьагъ.
Ау, пшъэдэкIыжьыр ымыхьыным фэшI, IэкIыбым къикIыгъэ хъулъфы-
гъэр полицием ичIыпIэ пунктэу поселкэу Каменномостскэм щыIэм кIуи ащ икъулыкъушIэ къуалъхьэ ритынэу риIуагъ.
Полицием икъулыкъушIэ псынкIэу пащэм макъэ ригъэIугъ. Оперативнэ-лъыхъун Iофтхьабзэхэр зэрахьэхэзэ, къулыкъушIэм икабинет къуалъхьэ щыритызэ АР-м хэгъэгу кIоцI IофхэмкIэ и Министерствэ къолъхьэ тын-Iыхыным иотделэу Мыекъопэ районым щыIэм икъулыкъушIэхэм, джащ фэдэу экстремизмэм пэшIуекIогъэнымкIэ хэгъэгу кIоцI IофхэмкIэ и Министерст-
вэ игупчэу Адыгеим щыIэм ялIыкIохэм хъулъфыгъэр къаубытыгъ.
Полицием иIофышIэхэм къаугъоигъэ материалхэмкIэ хъулъфыгъэм уголовнэ Iоф къыфызэIуахыгъ.
Мы мафэм хабзэр зыукъуагъэр охътэ гъэнэфагъэкIэ зыщаIыгъхэрэ изоляторым чIэс. Хэбзэукъоныгъэу зэрихьагъэмкIэ илъэс фэдиз хьапс тыралъхьан алъэкIыщт.
АР-м хэгъэгу кIоцI IофхэмкIэ и Министерствэ
ипресс-къулыкъу