Урысые физкультурэ-спорт комплексэу «IофшIэным ыкIи зыкъэухъумэжьыным сафэхьазыр» зыфиIорэм изичэзыу едзыгъо республикэм икъэлэ шъхьаIэ щырекIокIыгъ.

Мызыгъэгум ащ хэлэжьагъэхэм дышъэ бгъэхэлъхьэ 55-рэ, тыжьы­нэу — 23-рэ ыкIи джэрзэу — 5 къафагъэшъошагъ.
Iофтхьабзэр мэзищым зэ рагъэкIокIы. Зичэзыу зэхэщэгъум нэбгырэ 87-рэ хэлэжьагъ, ахэм ащыщыгъэх Белгородскэ хэ- кум къикIыгъэ спортсменхэри.
Аныбжь елъытыгъэу лъэны­къуи 5 – 6-кIэ ахэм заушэтыгъ, шапхъэхэр зымытышъугъэр нэбгыри 4 ныIэп. Адрэхэм дышъэ, тыжьын ыкIи джэрз бгъэхалъхьэхэр, удостоверениехэр къалэжьыгъэх.
КъыкIэлъыкIощт Iофтхьабзэр Iоныгъом рагъэкIокIынэу агъэ­нафэ. Мыщ изэхэщакIор Мыекъуа­пэ физическэ культурэмкIэ ыкIи спортымкIэ и Комитет ары.